Bloger "Jasjan" besh sutkaga qamaldi

Qayd etilishicha, joriy yilning 13 yanvar kuni Shodiyev Shayxontohur tumanida joylashgan bogʻlarning birida 2005 yilda tugʻilgan S.S. bilan jamoat joyida janjal chiqargan. 

IIO xodimlari tomonidan oʻtkazilgan tekshiruv jarayonida ushbu holat bloger hamda uning tanishi S.S. tomonidan oʻzaro sahnalashtirilganligi va ijtimoiy tarmoqda joylashtirish uchun videoga olinganligi aniqlangan. 

Mazkur holat yuzasidan Shayxontohur tumani IIO FMB tomonidan Maʼmuriy javobgarlik toʻgʻrisidagi kodeksning 183-moddasi (Mayda bezorilik) bilan bayonnoma rasmiylashtirilib, toʻplangan hujjatlar qonuniy chora koʻrishlik uchun Jinoyat ishlari boʻyicha Shayxontohur tuman sudiga yuborilgan. 

Sud blogerga 5 sutka maʼmuriy qamoq, uning sherigiga esa BHMning 1 baravari miqdorida maʼmuriy jarima jazosi tayinladi. 

Eslatib oʻtamiz, avvalroq ijtimoiy tarmoqlarda Toshkent viloyatining Chirchiq shahrida istiqomat qiluvchi 24 yoshli bloger 100 mingta "like" uchun otasini urishini aytgani tasvirlangan video tarqalib, yigitga 15 sutka maʼmuriy qamoq jazosi belgilangandi.