Yevropa mamlakatlari Ukrainaga 20 milliard yevrolik harbiy yordam beradi

Rejalashtirilgan paket AQSh Prezidenti Donald Trampning Ukraina Prezidenti Vladimir Zelenskiyni urush uchun javobgar deb ayblashidan soʻng eʼlon qilindi. Tramp uni "diktator" deb atab, Zelenskiy AQShni aldaganini taʼkidladi. Shuningdek, AQSh Vakillar Palatasi spikeri Vashingtonda Kiyevga yordam yuborish uchun "hech qanday istak" yoʻqligini bildirdi. 

Qayd etilishicha, Yevropaning bu yordami artilleriya oʻqlari, raketalardan tortib naqd pulgacha boʻlgan koʻrinishda taqdim qilinadi. Bu miqdor hali oshirilishi ham mumkin. 

Chunki bugun, 24 fevral kuni Bryusselda Rossiyaning Ukraina urushi boshlaganining uch yilligiga bagʻishlangan Yevropa tashqi ishlar vazirlarining uchrashuvi boʻlib oʻtadi va unda katta ehtimol bilan yordam paketining miqdori oshiriladi.

"Ukrainaning qurol-yarogʻ taʼminotini yangilashga qaratilgan tashabbusni Yevropa Ittifoqining yuqori darajadagi diplomati, Estoniyaning bosh vaziri Kaja Kallas muvofiqlashtirmoqda. Bu tashabbus orqali koʻlami jihatidan Yevropaning oldingi harbiy yordamini ortda qoldirish maqsad qilgan", deyiladi xabarda. 

Diplomatlarlar hali muzokaralar davom etayotganini, yordamning ehtimoliy shakli Yevropa Ittifoqining rasmiy paketi boʻlmasligini, balki alohida aʼzo davlatlardan yigʻilgan yordam koʻrinishda boʻlishi mumkinligini taʼkidlashgan. Chunki baʼzi davlatlar, ayniqsa, Vengriya bu yordamga qarshilik bildirmoqda.