Qoraqalpogʻiston va Qashqadaryoda ishga joylashtirib qoʻyish bilan bogʻliq firibgarlik holatlari fosh etildi

Bosh prokuratura huzuridagi Departamentning Qoraqalpogʻiston Respublikasi boshqarmasi, DXX va IIV xodimlari hamkorligida oʻtkazilgan tezkor tadbirda Respublika shoshilinch tibbiy yordam ilmiy markazi Qoraqalpogʻiston filiali xodimasi Z.K. fuqaro A.A.ni ushbu filialga ishga joylashtirib qoʻyishi evaziga 32 mln soʻmni olgan vaqtida ashyoviy dalillar bilan ushlangan.

Shu kabi, Departamentning Qashqadaryo viloyati boshqarmasi hamda IIB xodimlari hamkorligida oʻtkazilgan tezkor tadbirda Qarshi tuman tibbiyot birlashmasi kadrlar boʻlimi boshligʻi X.Q. fuqaro U.Q.ni tanishlari yordamida Qarshi tuman markaziy poliklinikasiga ishga joylashtirib qoʻyishi evaziga 1 000 AQSh dollarini olgan vaqtida ashyoviy dalillar bilan ushlangan. 

Mazkur holatlar yuzasidan Jinoyat kodeksining tegishli moddalari bilan jinoyat ishlari qoʻzgʻatilib, tergov harakatlari oʻtkazilmoqda.