Блогерлар яна фуқаролар тўғрисидаги қонунни бузганликда айбланмоқда

Ижтимоий тармоқларда бир неча юз минглаб обуначига эса А.Абдураҳмонов ва О.Жўраев реклама тўғрисидаги қонунни бузганликда айбланмоқда. Уларга Рақобат қўмитаси томонидан чора кўрилди.

Ўзбекистон

22.08.2025, 15:32

Lotinchada

Улашиш:

Blogerlar yana fuqarolar toʻgʻrisidagi qonunni buzganlikda ayblanmoqda

Foto: Vaqt.uz

Рақобат қўмитасининг хабар беришича, блогер А.Абдураҳмонов ва О. Жўраев ўзларига тегишли ижтимоий тармоқларда “АДWОРЛД GROUP” МЧЖ фаолиятини тарғиб қилган. Улар фуқароларга консалтинг деб эмас, хорижга ишлаш учун юбориш бўйича шуғулланиб келаётганлигини реклама қилгани аниқланди.

“Хусусий бандлик агентликлари тўғрисида”ги Қонуннинг 13-моддасига мувофиқ, хусусий бандлик агентликларининг Ўзбекистон Республикасидан ташқаридаги ишни қидираётган шахсларни ишга жойлаштириш бўйича хизматлари уларда Ўзбекистон Республикасидан ташқаридаги ишни қидираётган шахсларни ишга жойлаштириш бўйича фаолиятни амалга ошириш учун лицензия мавжуд бўлган тақдирда тақдим этилиши белгиланган.

Бунда, тегишли лицензиясиз хорижда ишга жойлаштириш бўйича фаолиятни амалга ошириш тақиқланади.

Шунингдек, “Реклама тўғрисида”ги Қонуннинг 16-моддасида ишлаб чиқарилиши ва (ёки) реализация қилиниши учун тегишли сертификатлари ва лицензиялари, мажбурий сертификатлаштириш гувоҳномалари ёки махсус рухсатномалари мавжуд бўлмаган товарларни реклама қилиш тақиқланган.

“Юқоридаги ҳолатлар юзасидан ижтимоий тармоқларда ўз блогларини юритувчи фуқаролар О.Жўраев ва А.Абдурахмоновларга нисбатан қонун бузилиш ҳолати бўйича маъмурий ҳуқуқбузарлик тўғрисидаги баённомалар расмийлаштирилиб, судга юборилди”, — дейилади қўмита хабарида.

Ўзбекистон

22.08.2025, 15:32

Улашиш:

#А.Абдураҳмонов #О.Жўраев

машҳур янгиликлар