Эрондаги воқеада Хитойдан олиб келинган ракета ёқилғиси портлаб кетган бўлиши мумкин

Жорий йилнинг 26 апрель куни Эроннинг Бандар-Аббос шаҳридаги Шаҳид-Ражаи портида кучли содир бўлган кучли портлаш ортидан 1200 дан ортиқ киши жароҳатланган ва 36 киши ҳалок бўлган. Воқеа ортидан Эрон Ислом Республикасида 3 кунлик мотам эълон қилинди.

Жаҳон

28.04.2025, 10:31

Lotinchada

Улашиш:

Eron Bandar-Abbos shahridagi Shahid-Rajai portidagi portlash

Muhammad Rasul Moradi / IRNA / AP / Scanpix / LETA

Маҳаллий нашрларнинг ёзишича, портлаш оқибатида бир неча километр радиусдаги биноларнинг деразалари синиб кетган, интернетда тарқалган кадрларда портлашдан кейин осмонда қўзиқорин шаклидаги булут ҳосил бўлганини кўриш мумкин.

Foto: Meysam Mirzadeh

Ҳозирги вақтга қадар Эрон расмийлари портлаш қандай келиб чиққани бўйича расмий маълумот бергани йўқ. Аммо тахминларга кўра, портдаги "Амбреу" хусусий юк ташиш хавфини баҳолаш компаниясидаги ракета ёқилғиси бўлган контейнерлар портлаган.

Foto: Muhammad Rasul Moradi / IRNA / AP / Scanpix / LETA

2025 йил январь ойида Эрон кемаси Хитойдан қаттиқ ракета ёқилғиси ва портловчи моддаларни оксидловчи натрий перхлорат моддасини Бандар Аббос шаҳри яқинидаги портга олиб келган. Тарқалган хабарларга кўра, портдаги портлаган контейнер Хитойдан олиб келинган контейнер бўлиши мумкин.

Аммо, Эрон расмийлари аввалига портлаш ҳеч қандай ҳарбий материаллардан келиб чиқмаганини айтди. Бироқ, кейинчалик портлаш портловчи моддаларнинг эҳтиётсизлиги билан содир бўлганлиги маълум бўлди. Шундан сўнг, Эрон Ташқи ишлар вазири Аббос Арагчининг айтишича, мамлакат разведка хизматлари “аввалги қўпорувчилик ва суиқасдларни инобатга олган ҳолда” ҳукумат шай ҳолатга келтирилди. Ҳозирги вақтда фожиа юзасидан тергов ҳаракатлари олиб борилмоқда.

Эрон соғлиқни сақлаш вазирлиги Ҳўрмузгон вилоятида фавқулодда ҳолат режими эълон қилиб, аҳолидан уйларда қолиш ва деразаларни тамбалаб, ниқоб тақиб юриш сўраган.

Эрон президенти Масъуд Пизишкиён портлаш бўйича текширув боришини назорат қилиш учун мамлакат ички ишлар вазири ушбу ҳудудга юборилганини маълум қилган. У портлаш оқибатида ҳалок бўлганлар учун "чуқур ҳамдардли" изҳор этган.

Foto: Muhammad Rasul Moradi / IRNA / AP / Scanpix / LETA

Рус нашрларининг ёзишича, 27 апрель куни Россия президенти Владимир Путин Бандар-Аббос шарида жойлашган портидаги қурбонлар ва кенг кўламли вайронагарчиликлар муносабати билан Эрон раҳбариятига ҳамдардлик билдирган ҳамда ёнғинни ўчиришга ёрдам бериш учун Россия Эронга Фавқулодда вазиятлар вазирлигининг иккита самолёти – Be-200ЧС амфибия самолёти ва Il-76 самолётини юборган.

Шу куни Ўзбекистон Республикаси Президенти Шавкат Мирзиёев Эронда содир бўлган воқеа оқибатида кўплаб инсонларнинг ҳалок бўлгани ва жиддий жароҳат олгани, катта талафотлар кўрилганлиги сабабли мамлакат раҳбари Масъуд Пезишкиёнга таъзия мактубини йўллаган.