Фарғонада фуқаро сув таъминоти назоратчисини уриб жағини синдирди

Жорий йилнинг 25 октябрь куни ижтимоий тармоқларда Фарғона вилоятида яшовчи фуқаро "Фарғона вилояти сув таъминоти" АЖнинг Марғилон шаҳар бўлими назоратчисини уриб, масъулга оғир тан жароҳати етказгани тасвирланган видео тарқалган эди. Мазкур жиноятни содир этган фуқарога иш очилиб, ҳозирда у тергов қилинмоқда. Бу ҳақда "Фарғона вилояти сув таъминоти" АЖ ахборот хизмати маълум қилди.

Ўзбекистон

28.10.2024, 11:36

Lotinchada

Улашиш:

Fargʻonada fuqaro suv taʼminoti nazoratchisini urib, jagʻini sindirdi

Қайд этилишича, юқоридаги ҳолат жорий йилнинг 24 октябрь куни Фарғона вилояти Қўштепа тумани "Сармазор" маҳалласида кузатилган. Ушбу маҳаллада яшовчи фуқаро ёнига келган сув таъминоти назоратчиси билан жанжаллашиши ортидан ходимни ўласи қилиб калтаклаган.

Дастлабки маълумотларга кўра, фуқаро истеъмол сувидан 1 миллион 700 минг сўм миқдорида қарздор бўлган. Жанжал қарздорлик сабаб юзага келган. Ҳолат тасвирга олинган видода фуқаро ходимни ҳақоратлаб, сўнг уни уриб, оғизнинг пастки жағ қисмини синдирганини кўриш мумкин.

"Фарғона сув таъминоти" АЖ ахборот хизмати бўлими томонидан берилган муносабатга кўра, масъулни калтаклаган фуқаро аввалдан ичимлик сувидан қарздорлиги сабабли огоҳлантирилиб келинган. Бироқ у қарзларига вақтида тўлов қилмагани учун уйига назоратчи юборилган.

"Биз истеъмолчини кўп огоҳлантирдик. Шунга қарамай у қарзларига тўлов қилмади. Кейин биз фуқаронинг хонадонини ўргандик. Текширув давомида истеъмолчининг уйидаги сув ҳисоблагич ноқонуний равишда алмаштирилганини кўрдик", дейди ҳолатда муносабат билдирган масъул.

Сўнг юқоридаги вазият Фарғона вилояти Ички ишлар бошқармаси томонидан ўрганилиб, ходимни калтаклаган фуқарога Жиноят кодексининг 105-моддаси 2-қисми "в" банди билан жиноят иши қўзғатилган. Ҳозирда унга нисбатан дастлабки тергов ҳаракатлари олиб борилмоқда.

Эслатиб ўтамиз, жорий йилнинг 15 октябрь куни Қашқадарё вилояти Косон тумани "Этак" маҳалла фуқаролар йиғинида ҳам шунга ўхшаш ҳолат содир бўлганди. Бироқ унда фуқаро вилоят газ таъминотининг масъул ходими томонидан калтакланган.

Ўзбекистон

28.10.2024, 11:36

Улашиш:

#Фарғона #сув таъминоти

мавзуга оид янгиликлар