Хайр, Honda Crider? Кам литражли автомобиллар учун божлар ошди

Имтиёзли божлар қандай эди?

Эслатиб ўтамиз, 2023 йил 17 июлдан бошлаб ишлаб чиқарилганига 1 йилдан ошмаган янги енгил автомобиллар учун пасайтирилган бож ставкалари амал қилиб келган эди:

• 1000 см³ гача бўлган автомобиллар — 0 фоиз;
• 1200 см³ гача бўлган автомобиллар — 5 фоиз.

Ушбу имтиёзлар 2026 йил 1 январгача амал қилди, аммо уларни узайтириш бўйича қарор қабул қилинмади.

Янги бож ставкалари қандай?

2026 йил 1 январдан бошлаб кам литражли автомобиллар учун қуйидаги янги божхона божлари қўлланилмоқда:

• 1000 см³ гача:
  • 15 фоиз + ҳар бир 1 см³ учун 0,4 АҚШ доллари;
• 1200 см³ гача:

  • 15 фоиз + ҳар бир 1 см³ учун 0,6 АҚШ доллари.

     

Бу қайси автомобилларга таъсир қилади?

Янги тартиб биринчи навбатда Honda Crider, Toyota Corolla, Suzuki Celerio, Hyundai i10 каби кам ёқилғи сарфлайдиган ва нисбатан арзон сегментдаги автомобилларни импорт қилиш нархини оширади.

Натижада, кам литражли машиналарни олиб кириш иқтисодий жиҳатдан камроқ манфаатли бўлиши, бозорда эса уларнинг нархи кўтарилиши кутилмоқда.