Икки вилоятда маиший чиқиндидан электр энергияси олинадиган заводлар қурилиши бошланди

Самарқанд вилоятидаги лойиҳада 150 млн АҚШ доллари, Андижон вилоятидаги лойиҳада эса 140 млн АҚШ доллари миқдорида инвестиция киритилмоқда.

Улашиш:

Самарқанд вилояти Самарқанд шаҳридаги “Хушрав” қўрғони “Наврўз” МФЙда жойлашган 15 гектар ҳудудда ҳамда Андижон вилояти Хўжаобод тумани “Хидирша” МФЙ ҳудудидаги 17 гектар ер майдонида чиқиндиларни ёқиш орқали электр энергияси ишлаб чиқариладиган заводларнинг қурилиш жараёнларига старт берилди.

Маълумот учун, чиқиндиларни қайта ишлаш ва улардан энергия манбаи олишга асосланган замонавий лойиҳаларни амалга ошириш бўйича Экология вазирлиги ҳузуридаги Чиқиндиларни бошқариш ва циркульяр иқтисодиётни ривожлантириш агентлиги ҳамда Хитой Халқ Республикасининг  етакчи компаниялари ўртасида битимлар имзоланган эди. Унда чиқиндиларни термик қайта ишлаш орқали электр энергияси ишлаб чиқариш лойиҳаси Самарқанд ва Андижон вилоятларида босқичма-босқич татбиқ этилиши назарда тутилган. 

Таъкидлаш жоизки, жорий йил 24 март куни Ўзбекистон Республикаси президентининг  қаттиқ маиший чиқиндиларни ёқиш орқали электр энергияси ишлаб чиқариш инвестиция лойиҳаларини амалга ошириш чора-тадбирлари тўғрисидаги 116  ва 118-сон қарорлари қабул қилинган эди. Унга кўра, ҳудудда экологик вазиятни яхшилаш, чиқиндиларни қайта ишлаш соҳасига замонавий ечимлар ва технологияларни жорий этиш орқали электр энергияси ишлаб чиқарилади ҳамда соҳага тўғридан-тўғри инвестиция жалб этилади.  

Аввалроқ давлат раҳбари ушбу лойиҳалар билан яқиндан танишгани ҳамда юртимизда маиший чиқиндиларни ёқиш орқали электр энергияси ва маҳсулот ишлаб чиқарадиган 8 та завод қурилиши ҳақида хабар қилган эдик.

Самарқанд вилоятидаги лойиҳада “Shanghai SUS Environment” LLC компанияси томонидан умумий қиймати 150 млн АҚШ доллари миқдорида инвестиция жалб этилган. Кунига 1,5 минг тонна чиқинди қайта ишланиб, йилига жами 240 млн кВт/соат электр энергияси ишлаб чиқарилади. Унда 150-200 та янги иш ўрни яратилади.

Андижон вилоятидаги лойиҳада эса “China International Camce” компанияси томонидан умумий қиймати 140 млн АҚШ доллари миқдорида инвестиция киритилмоқда. Натижада кунига 1,5 минг тонна чиқинди қайта ишланиб, йилига жами 240 млн кВт/соат электр энергияси ишлаб чиқарилади ва 150 та янги иш ўрни яратилади. Шунингдек, инвесторлар томонидан 2025–2027 йилларда лойиҳалар ишга туширилиши кўзда тутилган.

Қолаверса, электр энергиясини сотиб олиш ва қаттиқ маиший чиқиндиларни етказиб бериш тўғрисидаги битимларга мувофиқ компаниялар ишлаб чиқарган электр энергиясини 30 йил давомида “Ўзэнергосотиш” АЖга кафолатланган тарзда сотади.

Иқтисодиёт

05.08.2025, 18:11

Улашиш:

сўнгги янгиликлар

Ижро иши бўйича кафолат маблағлари институти жорий этилмоқда

Ўзбекистонда «Суд ҳужжатлари ва бошқа органлар ҳужжатларини ижро этиш тўғрисида»ги қонунга янги механизм — ижро иши бўйича кафолат маблағлари институти киритилди.

Ўзбекистон

28.08.2025, 21:20

Ғалла ва дуккакли экинлардан 6,1 млн тонна ҳосил олинди

2024 йилда Ўзбекистонда биринчи марта ғалла хирмони 9 миллион тоннадан ошган эди.

Иқтисодиёт

28.08.2025, 20:28

Ўзбекистонда «рақамли суд» қандай ишлайди?

Президентнинг 21 августдаги фармони билан  тажриба тариқасида «Рақамли суд» концепцияси жорий этилмоқда.

Ўзбекистон

28.08.2025, 19:28

Тошкентда тиббиёт чиқиндисидан иссиқлик энергиясини ишлаб чиқарувчи завод ишга тушди

Чилонзор туманида жойлашган 16-сон шаҳар касалхонаси ёнидаги тиббиёт чиқиндиларини ёқиш заводининг ишга тушгани муносабати билан пресс-тур ташкил этилди.

Иқтисодиёт

28.08.2025, 18:32

Хорижий оғир юк машиналарининг Ўзбекистонда юриши тўловлари қимматлади

Хорижий давлатлар оғир юкли транспортларининг Ўзбекистон ҳудуди бўйлаб юриши учун тўловлар миқдори оширилди. 

Иқтисодиёт

28.08.2025, 17:23

Ғазо секторидаги Исроил ҳужумлари қурбонлари сони 62 895 нафарга етди

Сўнгги бир сутка давомида 76 киши ҳалок бўлди.

Жаҳон

28.08.2025, 16:19

Kanadalik fotomuxbir agentlikni Isroil tashviqotini qoʻllab-quvvatlaganlikda ayblab, Reuters agentligidan ketdi

Канадалик фотомухбир агентликни Исроил ташвиқотини қўллаб-қувватлаганликда айблаб, Reuters агентлигидан кетди

2025 йил 26 августда канадалик фотожурналист Валери Зинк саккиз йиллик мустақил мухбирликдан сўнг Reuters агентлигини тарк этишини эълон қилди.

Жаҳон

28.08.2025, 16:13

Бенту Ўзбекистон терма жамоаси тарихидаги 10-хорижлик мураббий бўлади. Аввалги ҳамкасблари қандай натижа кўрсатган?

Ўзбекистон терма жамоасининг янги бош мураббийи Паулу Бенту бўлиши тобора аниқ бўлиб бормоқда.

Спорт

28.08.2025, 15:34

Ўзбекистон аҳолиси 38 млн кишига етди

Ўзбекистоннинг доимий аҳолиси сонида эркаклар сони аёлларга нисбатан 273 600 нафарга кўп.

Ўзбекистон

28.08.2025, 15:05

Қирғизистондан ноқонуний олиб келинган 19 кг тилла буюмлар тўхтатиб қолинди

Тезкор тадбирда тахминий қиймати 20 млрд сўмлик тилла заргарлик буюмлари ашёвий далил сифатида расмийлаштириб олинди.

Ўзбекистон

28.08.2025, 14:19

Туркияда бутун мамлакат бўйлаб бомбапаноҳгоҳлар қурилишини тасдиқланди

Туркия ҳукумати мамлакатнинг барча 81 та вилоятида замонавий бомбапаноҳгоҳлар қуриш тўғрисида қарор қабул қилди. Бу ҳақда NTV телеканали хабар берди.

Жаҳон

28.08.2025, 14:05

Тимур Кападзе "Пахтакор" бош мураббийи бўлиши мумкин

Португалиялик Паулу Бентунинг Ўзбекистон терма жамоаси бош мураббийи бўлиши ортидан Тимур Кападзенинг бош жамоадан кетиши кутилмоқда.

Спорт

28.08.2025, 13:24