updated: 22.03.2026, 15:55

Афғонистон ва Покистон чегарасида қонли тўқнашувлар содир бўлди

Афғонистоннинг Покистон билан чегарадош Пактия вилоятида икки мамлакат чегара қўшинлари ўртасида оғир тўқнашувлар юз берди.

Жаҳон

13.10.2025, 10:01

Lotinchada

Улашиш:

Tolo News маълумотига кўра, жанглар Дюранд чизиғи яқинидаги бир нечта ҳудудларда кечган. Афғон кучлари Покистон базаларига зарбалар берган — бу эса Покистон томонидан амалга оширилган ҳаво амалиётига жавоб сифатида баҳоланмоқда. Тўқнашувлар натижасида камида 12 нафар покистонлик ҳарбий ҳалок бўлган.

Маҳаллий аҳоли маълумотларига кўра, жанглар сабабли Данд-и-Патан туманида фуқаролар уйларини тарк этишга мажбур бўлган.

Исломободдаги Dawn газетасининг ёзишича, Покистон армияси афғон кучларига қарши артиллерия, танк ва дронлар билан жавоб берган ҳамда Афғонистон ҳудудидаги бир қатор “жангчи позициялари”ни йўқ қилган. Давлат телеканали PTV News эса армия Афғонистонга тегишли 19 та постни эгаллаб олганини хабар қилди.

Афғонистон Мудофаа вазирлиги “жараён ярим тунгача давом этиб, муваффақиятли якунланганини”, аммо мамлакат ҳудудини ҳимоя қилишга тайёрлигини маълум қилди.

Расмий маълумотларга кўра, Афғонистон томонида 20 дан ортиқ киши ҳалок бўлган, шунингдек, Афғонистон томони 58 нафар покистонлик ҳарбийни ўлдирганини айтмоқда.

Тўқнашувлардан сўнг икки давлат бир-бирини тинч аҳолига ўқ узишда айблади. Шу билан бирга, асосий чегара ўтиш пункти — Торхам вақтинча ёпилди.

9 октябрь куни Афғонистон пойтахти Кобулда портлашлар овози эшитилган, афғон ҳукумати бунда ҳам Покистонни айблади. Расмий Исламобод эса ҳозирча бу борада ҳеч қандай расмий баёнот бермади.

Жаҳон

13.10.2025, 10:01

Улашиш:

#Афғонистон #Покистон

мавзуга оид янгиликлар