Исроил ва Ливан ўт очишни тўхтатиш бўйича келишувга эришди

АҚШ билан ҳар қандай келишув шартлари орасига Исроил ва Ливан ўртасидаги жангларнинг тўхтатилишини ҳам киритган Теҳрон аввалроқ Қувайтга зарба бериб, унинг аэропортига шикаст етказган ва 60 дан ортиқ одамни жароҳатлаган эди. Шу билан бирга, АҚШ ҳарбийлари Ҳормуз бўғози яқинида зарбалар амалга оширган.

Исроил ва Ливан ўртасидаги ўт очишни тўхтатиш келишуви Эрон билан иттифоқдош бўлган “Ҳизбуллоҳ” ҳарбийлашган гуруҳини тўхтатишга ҳамда унинг барча жангариларини Жанубий Литани секторидан олиб чиқиб кетишга боғлиқ.

Бу ҳақда Вашингтондаги музокаралар якунида АҚШ Давлат департаменти эълон қилган қўшма баёнотда айтилган.

Ўтган ой икки томон ўт очишни тўхтатишга келишиб олса-да, жанговар ҳаракатлар давом этаётган эди. Исроил Теҳронни қўллаб-қувватлаб чегара ортидан ўқ узган Ливан жангари гуруҳи – “Ҳизбуллоҳ”ни таъқиб қилиб, март ойида Ливанга бостириб кирганди.

Эрон Ислом инқилоби посбонлари корпуси Қувайт аэропортини ўққа тутмаганини маълум қилиб, вайронагарчиликка нишонга тегмаган АҚШнинг тутувчи ракеталарини сабабчи қилиб кўрсатди.

АҚШ ҳарбийлари эса бу маълумотни инкор этиб, Эрон дронлари аэропортни қасддан нишонга олганини билдирди.

Исроил ҳамон Ливанга зарбалар бермоқда

Уруш асосан Эрон ва Ливанда минглаб одамларнинг ўлимига сабаб бўлди, энергия таъминоти ва бошқа юк ташишларни жиддий издан чиқариб, жаҳон иқтисодиётига зарар етказди.

Чоршанба куни Исроил дронлари Ливан жанубида камида олти кишининг ҳаётига зомин бўлди ва Байрут жанубидаги бир автомобилни нишонга олди. Исроил эса “Ҳизбуллоҳ” томонидан учирилган воситани тутиб қолганини маълум қилди.

Ароқчи, агар Исроил Байрутга ҳужум қилса, Эрон қатъий жавоб қайтаришини айтди.

“Ақлдан  озган” Нетаняҳу

Трамп уруш бўйича кенгроқ келишувга эришиш мақсадида Ливан можароси юзасидан бўлиб ўтган телефон суҳбатида Исроил Бош вазири Бенямин Нетаняҳуни “ақлдан озган” деб атаганини тан олди.

“Бир пайт мен унга: “Биби, буни тўхтатишимиз керак. Биз буни бас қилишимиз керак”, дедим”, – деди Трамп Нетаняҳуни лақаби билан тилга олиб.

Нетаняҳу эса CNBC телеканалига берган интервьюсида Трамп билан гоҳида “тактик келишмовчиликлар” бўлиб турганини, аммо Эронга оид асосий масалаларда улар ҳамфикр эканини билдирди.