Вашингтондаги отишма тафсилотлари очиқланди

Маълум қилинишича, қуролланган шахс Махфий хизмат назорат пунктини бузиб ўтишга уринган пайтда отишма юз берган. Унинг қўлида ов милтиғи, пистолет ва бир нечта пичоқ бўлган.

Ҳужумчи дарҳол тўхтатилган. Отишма вақтида Махфий хизмат ходимларидан бири яқин масофадан ўққа тутилган, аммо ҳимоя жилети уни сақлаб қолган.

АҚШ президенти Доналд Трамп воқеа ҳақида шундай деди:

“Аввалига товушни оддий ҳолат деб ўйладим. Идиш тушгандек туюлди. Кейин бу ўқ эканини англадим.”

Унинг таъкидлашича, хавфсизлик хизматлари жуда тез ҳаракат қилиб, уни ва биринчи хонимни бир неча сония ичида эвакуация қилган.

Маълумотларга кўра, гумонланувчи Калифорниялик 31 ёшли Коул Томас Аллен бўлиб, у якка ҳаракат қилган ва бошқа таҳдидлар аниқланмаган. Айни пайтда у шифохонада тергов ишлари давом этмоқда.