АҚШда масжидга ўт қўйган шахсга айблов эълон қилинди

Июль ойида Филаделфиянинг шимоли-шарқий қисмидаги Ислом марказини ёқиб юборишда айбланган шахс ушбу ибодатхонани айнан масжид бўлгани учун нишонга олган. Бу ҳақда 6 август куни АҚШ Адлия вазирлиги маълум қилди.

ТАФСИЛОТЛАР:

• 60 ёшли Винсент Лангга диний кўчмас мулкка қасддан зиён етказиш бўйича айблов эълон қилинди.
• Айблов хулосасида таъкидланишича, “Ланг бу ишни мулкнинг диний аҳамиятга эга эканлиги, яъни масжид бўлгани учун содир этган”.
• Судланувчи июль ойи ўрталарида ҳибсга олинганидан бери федерал қамоқда сақланмоқда.
• 5 июль куни тонг саҳарда Ланг Шимоли-шарқий Филаделфия Ислом марказига ўт қўйиш орқали қасддан зарар етказган, уни вайрон қилиш ҳамда йўқ қилишга уринган.
• Ҳодиса оқибатида ҳеч ким жабрланмаган.
• Агар айби исботланса, Ланг энг ками беш йил, энг кўпи билан 40 йилгача озодликдан маҳрум этилиши мумкин.

АҚШ ҳуқуқ ҳимоячилари 2001 йил 11 сентябрь воқеаларидан сўнг исломофобия кучайганини, яқин йилларда эса бу ҳолат иммиграцияга қарши сиёсат, оқ танлиларнинг устунлиги ғояси ва Исроилнинг Ғазодаги уруши оқибатлари туфайли янада авж олганини айтишмоқда.