Венесуэладаги зилзила қурбонлари сони 1700 кишидан ошди (фотолавҳалар)

Йиллар давом этиши мумкин бўлган гуманитар инқироз қаршисида турган Венесуэлада ўтган ҳафта фалокатли қўшалоқ зилзила содир бўлди.

Расмийлар 24-июнь куни мамлакатда кузатилган икки зилзила оқибатида камида 1719 киши ҳалок бўлгани ва 5034 киши жароҳат олганини маълум қилди.

Яна ўн минглаб одамлар бедарак йўқолган, бу эса уйсиз қолганларни бошпана ва озиқ-овқат билан таъминлашда шундоғам қийналаётган, молиявий тангликдаги ҳукуматга босимни янада кучайтирди.

Зилзиладан кейинги дастлабки 72 соат одамларни тирик топиш ва вайроналар остидан олиб чиқиш учун ҳал қилувчи аҳамиятга эга.

Бу муҳлат шанба куни тугаган, аммо вайрон бўлган ҳудудларда қидирув ишлари давом этмоқда.

Яқинидан айрилган оилалар вайроналар уюмидан умидини узгани йўқ...

Вайроналар остидан олиб чиқилган қизалоқ

Умумий қабристондаги дафн маросими

Энг кўп жабр кўрган ҳудуд - Ла-Гвайра шимолий порт шаҳри

Карабалледа шаҳрида қидирув-қутқарув ишлари кеча-ю кундуз давом этаётгани сабабли, қутқарувчилар ва кўнгиллилар вайроналари устида ухламоқда

Зилзилаларда уйларидан айрилган болалар 

Ла Гуаира штатидаги Карабалледа қирғоғи

Минглаб қутқарувчилар, уларнинг қариндошлари ва кўнгиллилар омон қолганларни топиш учун қулаган бетон плиталарни тун-у кун қазишмоқда