Москвадаги Crocus City Hall мусиқа залида содир этилган теракт қурбонлари сони 137 кишига етди

Бундан ташқари, матбуот хизмати хабарига кўра, фожиа жойидан ҳужумчиларга тегишли тўртта жанговар мослама, 500 дан ортиқ патрон ҳамда иккита Калашников автомати олиб кетилган.

Тергов қўмитаси, шунингдек, тўрт нафар гумонланувчини ҳибсга олиш чораларини кўришини маълум қилди.

22-март оқшомида Москва яқинидаги Красногорск шаҳридаги Crocus City Hall мусиқа залида теракт содир этилди. Охирги маълумотларга кўра, қурбонлар сони 137 кишини ташкил этади, бироқ рақамлар яна ортиши мумкин. Москва вилояти соғлиқни сақлаш вазирлиги маълумотларига кўра, 180 киши жароҳат олган. Терактга алоқадор бўлган 11 нафар гумонланувчи, жумладан, Украина чегараси томон йўл олишга уринган тўрт нафар қотил ҳам қўлга олинди. Президент Владимир Путин телемурожаатида, дастлабки маълумотларга кўра, Украина томони террорчиларнинг кесиб ўтиши учун чегарада “бўшлиқ” тайёрлаётганини айтди. У Crocus City Hall'га ҳужум уюштирганларнинг барчасини аниқлаш ва жавобгарликка тортишга ваъда берди ва 24-мартни бутун мамлакат бўйлаб мотам куни деб эълон қилди.