Мушукни деразадан отган ўқитувчи жаримага тортилди

Ижтимоий тармоқларда Тошкент шаҳрида жойлашган 62-мактаб ўқитувчиси синф ойнасидан мушукни отиб юборгани тасвирланган видео тарқалди. Мазкур ҳолатга Тошкент шаҳар Мактабгача ва мактаб таълими бошқармаси муносабат билдирилди.

Ўзбекистон

10.10.2024, 16:06

Lotinchada

Улашиш:

Mushukni derazadan otgan oʻqituvchi jarimaga tortildi

Қайд этилишича, воқеа жорий йилнинг 27 сентябрь куни соат 17:30 лар атрофида Учтепа туманидаги 62-сонли умумтаълим мактабида кузатилган. Мактабнинг 7-"G" синф ўқувчилари она тили дарсига ўзбошимчалик билан мушук олиб кирган. Буни кузатган ўқитувчи Д.Х. ўқувчиларни дарс машғулотлари пайтида чалғимасликлари учун мушукни деразадан ташлаб юборган.

"Мушук ветеринар шифокор кўригидан ўтказилган. Унга жиддий жароҳат етмаган. Бу воқеадан сўнг мактаб маъмурияти томонидан йиғилиш ўтказилди. Ўқитувчи ҳамда ўқувчиларга атроф-муҳит, табиат асраб-авайлаш барчанинг бурчи эканлиги тушунтирилди", дейилади бошқармаси изоҳида.

"Ekolog" ЖБ волонтёрлари эса ўқитувчини жавобгарликка тортиш учун судга берди.. Учтепа туман суди уни Маъмурий жавобгарлик тўғрисидаги кодекскнинг 111-моддасига кўра, 375 минг сўмга жаримага тортган.

"Бу жуда ҳам кам, зеро Д.Х. нафақат битта жониворнинг ўлимига сабаб бўлди, энг ёмони болаларнинг руҳитига катта салбий таъсир кўрсатди. Фикримизча, у педагоглик фаолият олиб боришга лойиқ эмас!", дейилади "Ekolog.uz"нинг Telegram-каналида чиққан хабарда.

Аввалроқ Сурхондарё вилояти Денов тумани "Янгикуч" маҳалласида истиқомат қилувчи фуқаролар чўл тошбақасига нос чектирганини тасвирга олинган видео тарқалиб, ижтимоий тармоқларда муҳокамаларга сабаб бўлган эди. Сўнг фуқароларга қилган иши учун Маъмурий жавобгарлик тўғрисидаги кодекснинг 111-моддасига асосан БҲМ (Базавий ҳисоблаш миқдори)нинг 3 баробари — 1 миллион 20 минг сўм миқдорида жарима белгиланган.

Ўзбекистон

10.10.2024, 16:06

Улашиш:

#Тошкент #Мушук

мавзуга оид янгиликлар