Қозоғистонликлар Женнифер Лопес Тошкентдан Instagram саҳифасида пост қўйиб, Остана ҳақида гапирмаганидан норози

“Женнифер Лопеснинг Инстаграмъи бутун дунё бўйлаб 248 миллион кишилик аудиторияга эга. Бундай даражадаги юлдузнинг ижтимоий тармоқлардаги пости ёки ҳикояси шаҳарни бир зумда глобал кун тартибига киритади. Шу боис бу каби эслатмалар туризмни ривожлантираётган мамлакатлар учун ниҳоятда муҳим”, — дейилади мақолада.

Нашрнинг ёзишча, Остонда концерт чипталари тезликда сотилган бўлса, Ўзбекистонда чипталар сотиш учун акция ташкил этилган. Икки ва ундан ортиқ концертга билет сотиб олганлар учун 40 фоизлик чегирма берилган. Гастроль давомида Лопесга 90 нафарга яқин жамоа: мусиқачилар, қўшиқчилар, раққосалар, либослар дизайнерлари, визажистлар, ёритиш бўйича техниклар, хавфсизлик, логистика ва бошқарув ҳамроҳлик қилган.

“Лопеснинг жамоат майдони ва ижтимоий тармоқларда фаол иштирок этиши Тошкентга ташрифининг ўзига хос жиҳати бўлди. Концерт арафасида юлдузга портрети туширилган анъанавий таом - ляган совға қилинди. У Инстаграмъда совғанинг ўрами очилаётгани акс этган видеони жойлаштирди. Шунингдек, хонанда маҳаллий санъаткор Муниса Ризаэванинг унга гулдаста совға қилаётгани тушган суратини эълон қилиб, постга “Тошкентда илиқ кутиб олганингиз учун ташаккур” деб имзо чекиб, ўзбек жамоатчилигига миннатдорчилик билдирди. Шунингдек, унга маҳаллий ташкилотчилар томонидан шахсий совға тўплами топширилгани маълум қилинди. Яна бир видеода санъаткор кўк рангли фитнес костюмида рақсга тушар экан, ноз-неъматлар солинган катта дастурхон қўйилган залдан Тошкент манзараларини намойиш этди”, — дейилади Орда.кз нашри таҳлилида.

Орда.кзга кўра, Ж.ЛўнингТошкентга ташрифи қисқа муддатли бўлган, бироқ у ижтимоий тармоқларда бўлишган сурат ва постлари дунё бўйлаб юз миллионлаб одамларнинг эътиборини ўзига қаратган.

Нашр тилга олган яна бир нарса шундаки. Ж.Ло Остондаги концертдан сўнг дарҳол қозоқ матбуотига эмас, ўзбек матбуотига иккита интервью берган.

Қозоқ нашрининг ёзишича, Женнифер Лопес гастроль дастурида кансертдан ташқари шахсий фотосессия ҳам бўлган. Бу қисқа шахсий учрашув, фотосурат ва автограф, кўпинча белгиланган нарх билан. Остонада мазкур пакет 2000 АҚШ долларга тушган. Осотондаги фотосессия иштирокчилари орасида, масалан, россиялик продюсер Яна Рудковская ҳам бўлган.

Шу жойда бир ўринли савол туғилади, шунда Мунисанинг у билан расмга тушиши ва Шаҳноза Мирзиёевни туғилган куни билан табриклаши ҳам пулли бълганми?