Наманганда ноқонуний “ҳужра”лар ташкил қилган шахслар ушланди

Наманган шаҳрида 1995 йилда туғилган фуқаро ўзи яшаётган кўп қаватли уйида 15 нафар шахсга диний таълим бериб келаётгани аниқланган бўлса, 1974 йилда туғилган аёл ўз хонадонида 14 нафар вояга етмаган болаларга ҳар ойдан 1,5 миллион сўмга диний сабоқ бериб келган.

Янги Наманган туманида қайд этилган ҳолатда эса 1983 й.т. шахс Меҳнатобод маҳалласидаги яширин “ҳужра”да 10 нафар вояга етмаган қизларга ва 3 нафар фуқарога диний таълим бериб келган.

Бундан ташқари, бундай қонунбузарликлар Тўрақўрғон ва Наманган туманларида истиқомат қилувчи 1975 ва 1981 й.т. 2 нафар шахс томонидан ҳам содир этилган.

Расмий маълумотга кўра, ноқонуний сабоқ берган шахслар ва фарзанд тарбияси бўйича мажбуриятларини бажармаган ота-оналарга нисбатан қонунчиликда белгиланган чоралар кўрилган.