Ўзбекистон 6 та давлат фуқаролари учун визасиз режим жорий қилди

Вазирлар Маҳкамасининг 1996 йил 21 ноябрдаги 408-сонли қарорига киритилган ўзгаришларга мувофиқ, визасиз тартиб жорий этилган мамлакатлар рўйхатига яна 6 та давлат қўшилди:

Баҳрайн, Қатар, Кувайт, Уммон, Саудия Арабистони ва Иордания.

Бу давлатлар фуқаролари Ўзбекистонга 30 кунгача визасиз кириш ҳуқуқига эга бўлади.

Шунингдек, Хитой фуқаролари учун визасиз тарзда қолиш муддати 30 кунга узайтирилди. Гонконг аҳолиси учун эса аввалги каби 7 кунлик визасиз кириш ҳуқуқи сақланиб қолди.

Қарор билан бирга 15 давлат фуқаролари учун бизнес визаларини бериш тартиби ҳам соддалаштирилди. Улар қуйидагилар:

Австрия, Бельгия, Буюк Британия, Германия, Испания, Италия, Латвия, Малайзия, Франция, Чехия, Швейцария, Япония, БАА, Эрон ва Покистон.

Эрон ва Покистон фуқароларига бизнес визалар ишбилармонлик ва академик доиралар ҳамда туристик гуруҳлар учун соддалаштирилган тартибда берилади. Қўшимча текширув зарур бўлган ҳолларда виза расмийлаштириш муддати 10 кунгача узайтирилиши мумкин.