Омбудсман кўмагида фуқаро ишга тикланди ва 21,3 млн сўм ундирилди

Мурожаат Омбудсманнинг Фарғона вилоятидаги минтақавий вакили томонидан назоратга олиниб, ҳолат атрофлича ўрганилди. Текширув давомида фуқарони ишдан бўшатишга асос сифатида келтирилган ҳолатлар амалдаги қонун талабларига тўлиқ мувофиқ эмаслиги аниқланди. 

Жумладан, мурожаатчи 2017 йилдан буён узлуксиз ишлаб келаётгани ва ушбу даврда унинг лавозими бўйича қўшимча малака талаблари қўйилмагани инобатга олинмаган.

Шундан сўнг, Омбудсман томонидан фуқарони ишга тиклаш, мажбурий прогул кунлари учун иш ҳақи ҳамда маънавий зарарни ундириш бўйича судга даъво аризаси киритишда ҳуқуқий ёрдам кўрсатилди.

Фуқаролик ишлари бўйича Фарғона туманлараро судининг ҳал қилув қарорига кўра, фуқаро Г.М. тарбиячи лавозимига қайта тикланди. Шунингдек, унинг фойдасига 16 млн 300 минг сўм иш ҳақи ҳамда 5 млн сўм маънавий зарар ундириш белгиланди.

Ҳозирги кунда фуқаро ўз меҳнат фаолиятини давом эттирмоқда.