Қашқадарёда энаганинг эри бир ёшли қизалоқни уриб ўлдирди

Унга кўра, жорий йилнинг 21 июль куни соат 12:00 ларда фуқаролар Т.А. ҳамда Н.С. томонидан бир ёшли қизалоқ ўлик ҳолатда шифохонага олиб келинган. Улар томонидан тиббий кўрик вақтида шифокорга қизалоқ коляскадан йиқилиб тушгани, оқибатда тан жароҳати олгани баён қилинган. 

Маълум бўлишича, И.Н. исимли қизалоқ бундан олдим 20 июль куни тушлик вақтида кийимига ҳожатини чиқаргани сабабли Т.А.нинг эри Н.С. томонидан калтакланган. У мушти билан қизнинг кўкрак қафаси ва қорин соҳасига бир неча маротаба урган. Шундан кейин қизалоқни қасддан ўлдириб, ўзининг жиноий қилмишини яшириш мақсадида гўёки коляскадан йиқилиб тушгани ҳақидаги важ билан шифохонага олиб борган. 

Ҳолат юзасидан Қарши шаҳар прокуратураси томонидан Н.С.га нисбатан Ўзбекистон Республикаси Жиноят кодексининг 97-моддаси 2-қисми “в” банди билан жиноят иши қўзғатилган. У Жиноят протсессуал кодексининг 221-моддаси тартибида ушланган.