Расман: Исломбек Исмоилов — «Нефтчи»нинг бош мураббийи

Бу ҳақда Фарғона вилояти ҳокимлиги матбуот хизмати хабар берди.

Таъкидланишича, «Марғилон шаҳрида туғилган Исломбек Исмоилов ёш бўлишига қарамай, миллий футболимизда салмоқли ютуқларга эришган, мураббийлик соҳасида энг истиқболли кадрлардан бири сифатида эътироф этилган. У бошқарган U-17 терма жамоаси замонавий ўйин услуби, интизом ва характер билан мамлакатимиз шарафини муносиб ҳимоя қилди».

Шунингдек, Исмоилов бошчилигидаги «Нефтчи»га чемпионликни сақлаб қолиш ва мустаҳкамлаш, Элит Осиё Чемпионлар Лигасига муносиб тайёргарлик кўриш ҳамда жамоанинг рақобатбардош ва барқарор ривожини таъминлаш вазифалари юклатилган.

Маълумот учун, Исломбек Исмоилов ўз фаолияти давомида Фарғонанинг «Ёзёвон» ва «Турон» клубларида ишлаган. Шунингдек, у 2022–2025 йилларда Ўзбекистон ўсмирлар терма жамоаси мураббийи сифатида фаолият юритган.