Россия Украинадаги Озарбайжон объектига зарба берди

Қайд этилишича, Россия томонидан тўғридан-тўғри берилган зарбалар натижасида ёнғин келиб чиққан.

Ҳужум оқибатида барча 17 та резервуар, насос станцияси, техник иншоотлар, операторлик ва тарози хоналарига зарар етган. Нефть базасининг умумий сиғими 16 минг куб метрдан ортиқ.

Ҳозирда етказилган зарар миқдори аниқланмоқда (экспертиза бошланган), ҳамда тиклаш ишлари олиб олиб борилмоқда.

Маълум бўлишича, Россиянинг Украинадаги Озарбайжон объектларига иккинчи маротаба зарба бериши. Аввалроқ, 8 август куни худди шу нефть базасида 10 га яқин УАВ учирилган ва қисман вайрон бўлган эди. Мазкур ҳолат юзасидан жиноят иши қўзғатилган.

Ўша вақтда Озарбайжон президенти Илҳом Алиев эса Россияни мамлакат объектларига “мақсадли зарба бериш”да айблаганди.

6 августга ўтар кечаси эса Россия дронлари Одесса вилоятидаги “Орловка” газ компрессор станциясига зарба берди. Бу станция орқали Озарбайжон Украинага газ етказиб беради.

Агар Россиянинг “агрессив сиёсати” тўхтамаса, Озарбайжон Украинага қурол-яроғ етказиб беришга қўйилган эмбаргони бекор қилиши ва мамлакатга қурол-яроғ етказишни давом эттириши мумкин.