AQSH mintaqa resurslarini talon-toroj qilishni ko‘zlagan — Eron spikeri

“AQSH Fors ko‘rfazi va mintaqa mamlakatlariga faqat ularning resurslarini talon-taroj qilish uchun yaqinlashdi”, -  dedi Qalibaf 10-avgust kuni Iroq prezidenti Nazar al-Amidiy bilan uchrashuvda. Bun haqda Eronning Fars agentligi yozdi.

Eronga qarshi so‘nggi 40 kunlik urush xorijiy harbiylar mavjudligi xavfsizlik emas, balki beqarorlik manbayi ekanligini isbotladi, deya qo‘shimcha qildi u.

“Tajriba va so‘nggi mojaro mintaqa mamlakatlariga amerikaliklar nafaqat xavfsizlikni kafolatlay olmasligini, balki mintaqaviy tinchlikni izdan chiqarishini isbotladi,” - deya ta’kidladi rasmiy.

AQSH va Isroil 28-fevral kuni Eronga qarshi urush ochib, Islom inqilobi oliy rahbari Oyatulloh Sayid Ali Xomanaiy hamda bir qancha yuqori martabali rasmiylar va harbiy qo‘mondonlarni o‘ldirdi.

Al-Amidiy ham AQSH va Isroilning xalqaro huquqni buzgan, Iroq hamda kengroq mintaqa uchun og‘ir oqibatlarga sabab bo‘lgan hujumini g‘ayriinsoniy, deya qoraladi.

U Eron va Qo‘shma Shtatlar o‘rtasidagi hozirgi “na urush, na tinchlik” holatiga chek qo‘yish kerakligini aytdi.

“Umumiy mintaqaviy xavfsizlikka faqat mintaqa mamlakatlarining jamoaviy xavfsizligi orqaligina erishish mumkin”, — deya qo‘shimcha qildi prezident.