АҚШ Сенатига илк мусулмон сайланди

4 ноябрь куни Мичиган штатидан вакил бўлган демократ Абдул Эл-Сайед АҚШ Сенатидаги бўш ўринни эгаллади. Шу тариқа у Сенатга сайланган илк мусулмон бўлди.

Муросасиз кечган сайловдаги бу ғалаба Демократлар партияси учун катта муваффақият ҳисобланади. Чунки нафақага чиқаётган демократ сенатор Гери Питерснинг ўрни республикачилар томонидан эгалланмади.

Соғлиқни сақлаш соҳасининг собиқ расмийси, 42 ёшли Эл-Сайед асосий эътиборини меҳнаткаш оилаларнинг харажатларини қисқартириш ҳамда сиёсатда корпорациялар таъсирини камайтиришга қаратди.

Унинг сайловолди дастуридан партиясидаги прогрессив кучлар қўллаб-қувватлайдиган, давлат томонидан молиялаштириладиган барча фуқаролар учун универсал тиббий суғурта — Medicare for All ташаббуси ҳам ўрин олган.

Сешанба кунги оралиқ сайловлар арафасида республикачилар Сенатда 53–47 нисбатида устунликка эга бўлди.

Эл-Сайеднинг рақиби — 63 ёшли собиқ конгрессмен Майк Рожерс сайловолди пойгасига Трамп ҳамда республика даражасидаги партиядошларининг кучли қўллаб-қувватлови билан кириб келганди. У Эл-Сайедни исломий экстремизмга хайрихоҳ радикал номзод сифатида кўрсатишга уринди. Эл-Сайед исботини топмаган бу даъволарни рад этиб келади. Демократлар мазкур диний мансубликка қарши ҳужумлар исломофобик характерда эканини таъкидлашган.

Шунингдек, Рожерс Эл-Сайеднинг АҚШнинг Исроилга кўрсатаётган ҳарбий ёрдамига қарши чиқиши ва унинг Ғазодаги хатти-ҳаракатларини геноцид деб таърифлашига ҳам урғу бериб, яҳудий сайловчиларни ўз томонига оғдиришга уринди.

Шунга қарамай, сайловчиларнинг иқтисодиёт бўйича хавотирлари ва Трампнинг тушиб кетган рейтинги туфайли якунда Эл-Сайед ғалаба қозонди.