Мусиқа ва жисмоний тарбия ўқитувчиларига сертификатлар берилади

2025/2026 ўқув йилидан бошлаб ушбу фанлар бўйича миллий аттестация тизими амалга киритилади.

Аттестация икки босқичда ўтказилади:

Тест синови — Олий таълим, фан ва инновациялар вазирлиги ҳузуридаги агентлик томонидан;

Амалиёт (ижодий) синови — Маданият вазирлиги ёки Спорт вазирлиги томонидан.

Натижалар Rash модели асосида баҳоланади. Сертификатлар А+, А, В+, В, С+, С даражаларда электрон шаклда берилади ва 3 йил амал қилади.

Балллар қуйидаги тартибда баҳоланади:

70 ва ундан юқори — А+,

65–69,9 — А,

60–64,9 — В+,

55–59,9 — В,

50–54,9 — С+,

46–49,9 — С.

В+ ва ундан юқори даражадаги сертификатга эга ўқитувчиларга қонунчиликда белгиланган тартибда устама ҳақ тўланади.

Ҳужжат билан:

баҳолаш ва сертификат бериш тартиби;

сертификатнинг давлат намунаси ва тавсифи тасдиқланди.