Musiqa va jismoniy tarbiya oʻqituvchilariga sertifikatlar beriladi

2025/2026 oʻquv yilidan boshlab ushbu fanlar boʻyicha milliy attestatsiya tizimi amalga kiritiladi.

Attestatsiya ikki bosqichda oʻtkaziladi:

Test sinovi — Oliy taʼlim, fan va innovatsiyalar vazirligi huzuridagi agentlik tomonidan;

Amaliyot (ijodiy) sinovi — Madaniyat vazirligi yoki Sport vazirligi tomonidan.

Natijalar Rash modeli asosida baholanadi. Sertifikatlar A+, A, V+, V, S+, S darajalarda elektron shaklda beriladi va 3 yil amal qiladi.

Balllar quyidagi tartibda baholanadi:

70 va undan yuqori — A+,

65–69,9 — A,

60–64,9 — V+,

55–59,9 — V,

50–54,9 — S+,

46–49,9 — S.

V+ va undan yuqori darajadagi sertifikatga ega oʻqituvchilarga qonunchilikda belgilangan tartibda ustama haq toʻlanadi.

Hujjat bilan:

baholash va sertifikat berish tartibi;

sertifikatning davlat namunasi va tavsifi tasdiqlandi.