Тошкент бозорларида тижорий видеотасвирга олиш учун 5 миллион сўмлик тўлов жорий қилинди

Автотураргоҳлар учун янги тарифлар

Бозорлар ҳудудидаги енгил автомобиллар учун тўлов миқдори ҳафтанинг кунига қараб фарқланади:

Шанба–якшанба кунлари:

• 3 соатгача — 25 минг сўм
• 4 соатдан ортиқ — 50 минг сўм

Иш кунларида:
Тарифлар нисбатан паст бўлиб қолади.

Қарорда айтилишича, ушбу ўзгаришлар бозорлар атрофидаги тирбандликни камайтириш ва автотураргоҳлар юкламасини тартибга солиш мақсадида киритилган.

Тижорий суратга олиш — пуллик

Бозорлар ва савдо мажмуалари ҳудудида реклама роликлари, тижорий видеолар, клиплар ва бошқа мазмундаги қўшимча тасвирга олиш учун энди рухсат олинади ва тўлов ундирилади.

• Тижорий суратга олишнинг бир соати — 5 миллион сўм

Кимлар учун тўлов талаб қилинмайди?

Қарорга кўра, қуйидаги тоифалар тўловдан озод этилади:

• Оммавий ахборот воситалари
• Хорижий туристлар

Улар бозор ҳудудида тасвирга олиш учун қўшимча рухсат ёки тўловга эҳтиёж сезмайди.