Тошкентда дронлар шоуcи ва кенг кўламли байрам тадбирлари ўтказилади

Тошкент шаҳар ҳокимлиги маълумотига кўра, дастурда ёшлар, спортчилар, санъаткорлар ҳамда жамоатчилик иштирокида ўтадиган қатор маросимлар режалаштирилган.

Байроқ эстафетаси шаҳар бўйлаб қуйидаги манзилларда тантанали кутиб олинади:

• 14:00 — Бектемир тумани, “Роҳат” пости;
• 15:00 — Мирзо Улуғбек тумани, “Янги Ўзбекистон” боғи мажмуаси;
• 16:00 — Чилонзор тумани, “Эркин” пости.

Байрам кунининг асосий тадбирлари “Халқлар дўстлиги” майдонида ўтказилади:

• 17:00 — ўзбек эстрадаси ижрочилари иштирокидаги гала-концерт;
• 18:00 — пойтахт осмонида дронлар шоурси намойиш этилади.

Ўзбекистон давлат байроғи қабул қилинганининг 34 йиллиги муносабати билан 18 ноябр куни Мудофаа вазирлиги ва Миллий гвардия ҳарбий бўлинмаларининг намойишкорона юришлари ҳам ўтказилади. 

Ҳарбийлар “Ғалаба боғи” ёдгорлик мажмуасида 15:00 да кўргазмали чиқишлар билан бошланиб, “Чорсу” бозори, Тошкент сирки орқали “Халқлар дўстлиги” санъат саройи майдонгача ҳаракатланади. Майдонда жанговар чақириқлар, кўргазмали чиқишлар ва ҳарбий оркестрнинг дефиле намойишлари ўтказилади.