updated: 22.03.2026, 05:54

Гулистондаги портлашда ҳалок бўлганларнинг оилаларига моддий ёрдам берилади

Президент Шавкат Мирзиёев Гулистон шаҳрида содир бўлган бахтсиз ҳодиса оқибатида ҳалок бўлган фуқароларнинг оила аъзоларига ҳамдардлик билдирди ва уларга моддий ёрдам кўрсатиш зарурлигини таъкидлади. Эслатиб ўтамиз, 2 декабрь куни Гулистон шаҳридаги умумий овқатланиш шохобчаларидан бирида газ баллони портлаши натижасида 29 киши жароҳат олган, улардан 3 нафари ҳалок бўлган эди.

Ўзбекистон

04.12.2025, 14:38

Lotinchada

Улашиш:

Гулистондаги портлашда ҳалок бўлганларнинг оилаларига моддий ёрдам берилади

4 декабрь куни давлат раҳбари Республика шошилинч тиббий ёрдам илмий марказининг Сирдарё вилояти филиалига бориб, жароҳатланганлар ҳолидан хабар олди.

Филиал раҳбарияти ва шифокорлар Президентга беморларнинг ҳолати, даволаш жараёни ва кўрсатилаётган тиббий хизматлар ҳақида маълумот берди. Шавкат Мирзиёев палаталарга кириб, турли даражада тан жароҳати олган фуқаролар билан суҳбатлашди, уларнинг оила аъзолари билан учрашди.

Давлат раҳбари мутасаддиларга барча жабрланувчиларга зарур тиббий ёрдам тўлиқ кўрсатилишини қатъий назоратга олишни топширди. Шунингдек, содир бўлган ҳодисанинг сабабларини пухта ўрганиш, қонун устуворлигини таъминлаш, бундай ҳолатларнинг олдини олиш ва ёнғин хавфсизлиги устидан назоратни кучайтириш вазифаси юклатилди.

Президент топшириғига мувофиқ, 3 декабрь куни бош вазир ўринбосари Очилбой Раматов бошчилигида ҳукумат комиссияси тузилган. Комиссияга жабрланганларга зарур ёрдам кўрсатиш, ҳодиса сабабларини аниқлаш ва келгусида бундай бахтсиз ҳодисаларнинг олдини олиш бўйича чора-тадбирлар ишлаб чиқиш вазифаси юкланган.

Ҳолат юзасидан Жиноят кодексининг 257-моддаси 2-қисми (меҳнатни муҳофаза қилиш қоидаларини бузиш одам ўлишига ёки оғир оқибатларга сабаб бўлиши) бўйича жиноят иши қўзғатилган ва бир шахс қамоққа олинган.

Ўзбекистон

04.12.2025, 14:38

Улашиш:

#портлаш #гулистон

мавзуга оид янгиликлар