Россия аэропортларидаги чекловлар сабаб Ўзбекистоннинг бир қатор авиарейслари кечиктирилди

Тошкент–Москва рейси ортга қайтмоқда

HY603 Тошкент — Москва (Домодедово) рейси учиб кетиш аэропорти — Тошкентга қайтмоқда.

Шунингдек, ушбу рейснинг HY604 Москва — Тошкент қайтиш парвози ҳам кечиктирилади.

Термиз–Москва рейси захира аэродромига йўналтирилди

HY9609 Термиз — Москва (Внуково) рейси Санкт-Петербургдаги захира аэродромига йўналтирилди.

Шу муносабат билан HY9622 Внуково — Андижон ва HY9621 Андижон — Внуково рейсларининг парвозлари кечикиши кутилмоқда.

Қайд этилишича, барча қарорлар жорий вазиятни инобатга олган ҳолда ҳамда парвозлар хавфсизлигини таъминлаш мақсадида қабул қилинмоқда.

Йўловчилардан авиакомпаниянинг расмий ахборот ресурсларидаги янгиланишларни кузатиб бориш сўралган.

Рейсларнинг кейинги бажарилиши бўйича қўшимча маълумотлар алоҳида хабар қилинади.