Хитойда Ўзбекистон инвестиция ва савдо маркази очилди

Марказнинг асосий вазифаси — Ўзбекистоннинг иқтисодий, инвестиция ва экспорт салоҳияти ҳақида маълумот бериш ва икки мамлакат тадбиркорлари ўртасида тўғридан-тўғри ҳамкорликни таъминлаш майдони бўлишдир.

Очилиш маросимида Ўзбекистоннинг қишлоқ хўжалиги, саноат, «яшил» энергетика, фармацевтика ва IT соҳалари, шунингдек инвесторлар учун яратилган солиқ, божхона ва логистика имтиёзлари имкониятлари тақдим этилди.

Тадбирда «Бир макон — бир йўл» ташаббуси доирасидаги ҳамкорликка эътибор қаратилди ва Ўзбекистон ҳамда Хитой ўртасидаги стратегик шерикчиликни янада чуқурлаштириш имкониятлари таъкидланди.

Хитойлик расмийлар марказ очилишини икки мамлакат ўртасидаги мустаҳкам ҳамкорлик учун муҳим қадам деб баёндашди. Улар халқаро компаниҳлар учун тўғридан-тўғри алоқаларни ривожлантириш, инвестиция лойиҳаларини амалга ошириш ва ўзаро савдо ҳажмини оширишда ушбу марказнинг роли катта бўлишини таъкидладилар.

Тадбир давомида Хитойда фаолият юритиб келаётган ўзбек ва хитойлик тадбиркорлар тажриба алмашди, савол-жавоблар қилинди ва истиқболли лойиҳалар юзасидан музокаралар ўтказилди.