Хитойда презервативлар учун солиқ оширилди

Хитойда 1 январдан бошлаб аҳоли сони қисқаришига қарши қаратилган янги солиқ сиёсати амалга киритилди. 

Янги тартибга кўра контрацептив воситалар — презервативлар туғилишни назорат қилувчи дори-дармонлар ва шу каби маҳсулотларга 13 фоизлик савдо солиғи жорий этилди. Бу ҳақда BBC хабар берди.

Маълум қилинишича ислоҳотлар доирасида болалар боғчалари никоҳ билан боғлиқ хизматлар ва кексалар парвариши қўшилган қиймат солиғидан озод этилган. Шунингдек ҳукумат аввалроқ ота-оналар учун таътил муддатини узайтириш ва молиявий ёрдамлар ажратиш имконияти ҳам кўриб чиқилаётганини маълум қилган эди.

Демографик инқироз фонидаги қарор

Расмий маълумотларга кўра Хитой аҳолиси сўнгги уч йил давомида мунтазам камайиб бормоқда. 2024 йилда мамлакатда атиги 9,54 миллион чақалоқ туғилган бўлиб бу кўрсаткич ўн йил олдинги даражанинг тахминан ярмига тенг. Шу сабабли Пекин ёшларни оила қуришга ва фарзанд кўришга ундаш мақсадида қатор чораларни амалга оширмоқда.

Айни пайтда 1994 йилдан буён амалда бўлган «бир оила — бир фарзанд» сиёсати даврида жорий этилган айрим солиқ имтиёзлари бекор қилинмоқда.
Жамоатчилик муносабати
Контрацептив воситаларга солиқ жорий этилиши жамиятда турли баҳсларга сабаб бўлди. 

Айрим мутахассислар бу қарор исталмаган ҳомиладорлик ва ОИВ тарқалиши хавфини ошириши мумкинлигидан хавотир билдирмоқда. Бошқалар эса фарзанд кўриш қарорига «қимматлашган презервативлар» ҳал қилувчи таъсир кўрсатмаслигини таъкидлаб ҳукумат чораларини танқид қилмоқда.

YuWa аҳолини тадқиқ қилиш институти ҳисоботига кўра, Хитой фарзанд тарбияси энг қимматга тушадиган мамлакатлар қаторига киради. Бунга таълим соҳасидаги юқори тўловлар аёллар учун иш ва оналикни бир вақтда олиб бориш қийинлиги ҳамда кўчмас мулк инқирози сабаб ёшлар орасида келажакка ишончнинг пасайиши асосий омил сифатида кўрсатилган.

Маъмурий назорат кучаймоқда

Айрим провинцияларда маҳаллий амалдорлар аёлларга қўнғироқ қилиб уларнинг ҳайз цикли ва фарзанд кўриш режалари ҳақида сўров ўтказаётгани ҳақида ҳам хабарлар тарқалган. Юньнан провинцияси соғлиқни сақлаш бошқармаси буни «бўлажак оналарни аниқлаш учун зарур маълумот» дея изоҳлаган.