Xitoyda Oʻzbekiston investitsiya va savdo markazi ochildi

Markazning asosiy vazifasi — Oʻzbekistonning iqtisodiy, investitsiya va eksport salohiyati haqida maʼlumot berish va ikki mamlakat tadbirkorlari oʻrtasida toʻgʻridan-toʻgʻri hamkorlikni taʼminlash maydoni boʻlishdir.

Ochilish marosimida Oʻzbekistonning qishloq xoʻjaligi, sanoat, «yashil» energetika, farmatsevtika va IT sohalari, shuningdek investorlar uchun yaratilgan soliq, bojxona va logistika imtiyozlari imkoniyatlari taqdim etildi.

Tadbirda «Bir makon — bir yoʻl» tashabbusi doirasidagi hamkorlikka eʼtibor qaratildi va Oʻzbekiston hamda Xitoy oʻrtasidagi strategik sherikchilikni yanada chuqurlashtirish imkoniyatlari taʼkidlandi.

Xitoylik rasmiylar markaz ochilishini ikki mamlakat oʻrtasidagi mustahkam hamkorlik uchun muhim qadam deb bayondashdi. Ular xalqaro kompanihlar uchun toʻgʻridan-toʻgʻri aloqalarni rivojlantirish, investitsiya loyihalarini amalga oshirish va oʻzaro savdo hajmini oshirishda ushbu markazning roli katta boʻlishini taʼkidladilar.

Tadbir davomida Xitoyda faoliyat yuritib kelayotgan oʻzbek va xitoylik tadbirkorlar tajriba almashdi, savol-javoblar qilindi va istiqbolli loyihalar yuzasidan muzokaralar oʻtkazildi.