Ajrim paytida qaysi vaziyatlarda er-xotinning umumiy mulki teng boʻlinmasligi mumkin?

Er va xotinning umumiy mol-mulkini boʻlish ular nikohda boʻlgan davrda, nikohdan ajrashgandan keyin, shuningdek kreditor er va xotindan birining umumiy mol-mulkdagi ulushiga undiruvni qaratish uchun umumiy mol-mulkni boʻlish talabi bilan arz qilgan hollarda amalga oshirilishi mumkin.

Unda qaysi vaziyatlarda er-xotinning umumiy mulki teng boʻlinmasligi mumkin?

Bu haqda Toshkent davlat yuridik universiteti oʻqituvchisi Javohir Eshonqulov quyidagicha tushuntirish berdi:

– Oila kodeksiga koʻra, er va xotinning nikoh davrida orttirilgan umumiy mol-mulki ularning oʻzaro kelishuviga koʻra yoki nizoli holatlarda sud orqali boʻlinadi.

Sud mol-mulkni boʻlishda quyidagilarga eʼtibor beradi. Jumladan, er-xotinning har biriga mulkning qaysi qismi berilishi lozimligi, agar kimdirga koʻproq qiymatdagi mol-mulk ajratilsa, boshqasiga kompensatsiya belgilanadi.

Voyaga yetmagan bolalar ehtiyoji uchun olingan buyumlar boʻlinmaydi, bolalar bilan qolgan ota-onaga kompensatsiyasiz beriladi, nikohdan keyin orttirilgan, ammo alohida yashab, umumiy mablagʻsiz olingan mulklar shaxsiy deb topilishi mumkin.

Agar er-xotindan birining mablagʻi yoki mehnati hisobiga ikkinchisining mol-mulki sezilarli oshgan boʻlsa, u ham umumiy mulk sifatida boʻlinadi. 

Sud zarur hollarda, daʼvogar foydasiga teng ulushdan boʻlishi mumkin.