Namanganda natijadorlikni yanada oshirish vazifalari belgilandi

Prezident Shavkat Mirziyoyev 16 sentabr kuni Uychi tumanida Namangan viloyatini iqtisodiy-ijtimoiy rivojlantirish chora-tadbirlari muhokamasi yuzasidan yigʻilish oʻtkazdi.

Ulashish:

Hududda amalga oshirilgan salmoqli ishlar iqtisodiyot rivoji va aholi farovonligida namoyon boʻlmoqda. Soʻnggi sakkiz yilda viloyatga 7 milliard dollar xorijiy investitsiya kiritilgan, 8 mingga yaqin yangi korxona ishga tushgan. Eksport qilinayotgan mahsulotlar turi 2 karra koʻpayib, 1 mingdan oshgan.

Mehnatga layoqatli aholini 82 foizi kichik biznes va tadbirkorlik orqali roʻzgʻor tebratyapti. Aholining real oʻrtacha daromadi 3 barobar oshib, 15,5 million soʻmga yetdi. Muhimi, bunday oʻzgarishlarni Namangan ahli oʻzining kundalik hayotida his qilyapti.

Yigʻilishda bu surʼatni davom ettirib, natijadorlikni yanada oshirish imkoniyatlari tahlil qilindi. Xususan, yil yakunigacha 4 milliard 200 million dollar investitsiya olib kelish, eksportni 1 milliard dollarga yetkazish, 323 ming odamni ishli qilish, 26 ming oilani kambagʻallikdan chiqarish vazifasi qayd etildi.

Davlat rahbari mahallalarni obod qilish boʻyicha muhim tashabbusni ilgari surdi. Unga koʻra, yurtimizda “Taraqqiyot va yetakchilik maskani” dasturi amalga oshiriladi. Ushbu dasturga Fargʻona, Samarqand va Toshkent viloyatlaridagi 4 tadan, qolgan hududlardagi 2 tadan tuman, shuningdek, respublika boʻyicha eng “ogʻir” 328 ta mahalla kiritiladi.

Eng yaxshi namuna koʻrsatib, aholisini rozi qilgan hududga “Prezident tumani” va “Prezident mahallasi” maqomi berilib, ularga yana qoʻshimcha imkoniyatlar taqdim qilinadi.

Qisqa vaqt ichida Namanganda kambagʻallik 2,5 barobar kamaygan. Tadbirkorlik loyihalari koʻpaygani, oʻrtacha oylik 4,5 million soʻmga yetgani hisobiga ikki yilda migratsiyadagi 62 ming odam qaytgan.

Islohotlar shtabiga viloyatdagi xushmanzara joylar boʻyicha master-reja ishlab chiqib, amalga oshiriladigan loyihalar hisobiga keyingi yilda 50 ming odamni ishli va daromadli qilish topshirildi. Pop, Toʻraqoʻrgʻon, Uychi, Uchqoʻrgʻon va Chustdan oʻtgan daryo va soy oʻzanlarining 40 kilometr qismida ham 650 ta servis obʼektini qurib, 10 ming odamni daromadli qilish mumkinligi koʻrsatib oʻtildi.

Bugungi kunda viloyat sanoatining uchdan biri, eksportining yarmi toʻqimachilik sohasiga toʻgʻri keladi. Namanganlik tadbirkorlar brend bilan ishlash boʻyicha respublikada yetakchi.

Investitsiya olib kelish va brendlar bilan hamkorlikni kengaytirish uchun bir oyda viloyatda alohida loyiha ofisi ochiladi. Xalqaro sertifikat olgan tekstil korxonalari 50 taga yetkaziladi.

Mutasaddilarga yil yakunigacha Varshava va Londonda kamida 1 ming kvadrat metrli savdo uylarini tashkil qilish topshirildi. Umuman, viloyatda bu yil toʻqimachilik mahsulotlari eksportini 500 million dollarga yetkazish, ikki yilda 1 milliard dollarlik 25 ta yirik loyihani ishga tushirish mumkinligi qayd etildi.

Yil boshidan buyon viloyatga 1 million 200 ming xorijiy, 2 million mahalliy sayyoh kelgan, turizm eksporti 200 million dollardan oshgan.

Shunga mos ravishda turizm infratuzilmasini ham rivojlantirish kerak. Lekin Namangandagi eng jozibali hududlardan biri – Chortoq tumani imkoniyatlari toʻliq ishga solinmayapti. Turistlar uchun onlayn maʼlumot olish, joyni oldindan band qilish, madaniy hordiq chiqarish kabi oddiy xizmatlar ham yoʻlga qoʻyilmagan.

Shu bois, Chortoq butun yil davomida xizmat koʻrsatadigan vodiyning turizm xabiga aylantirilishi aytildi. Bunday loyihalar infratuzilmasi uchun 50 million dollar ajratiladi.

Jahon banki bilan Oʻrta shaharlarni rivojlantirish loyihasi doirasida bu yil “Furqat” bogʻi rekonstruksiya qilinib, hududi qariyb 2 barobar kengaytiriladi. Chortoqsoy boʻylab 11 kilometr uzunlikda piyodalar va velosiped yoʻlaklari quriladi.

Jadal kompleks rivojlantirish dasturi doirasida Chortoqsoy va Katta Namangan kanali qirgʻoqlarini 7 kilometri betonlashtirilib, 30 gektar yer foydali maydonga aylantiriladi. Bu yerdagi koʻp yillik bogʻlar bilan uygʻun holda sanatoriy tipidagi yirik servis obʼektlari barpo etiladi.

“Chortoq” suv ombori atrofidagi 60 gektarda turizm kompleksi, mehmonxona, restoran, dam olish va koʻngilochar maskanlar tashkil qilinadi. Pop tumanidagi Arashan koʻli atrofida 1 ming 200 gektar maydonda yiliga 1 million sayyohni qabul qiladigan yirik turizm majmuasi barpo etiladi.

Soha uchun kadrlar tayyorlash maqsadida keyingi oʻquv yilidan Avstriyaning Krems universiteti bilan Namangan davlat universitetida qoʻshma fakultet tashkil qilinadi.

Prezident ijtimoiy infratuzilmani rivojlantirish masalalariga alohida eʼtibor qaratdi.

Uychi, Uchqoʻrgʻon va Norin tumanlarini viloyat markazi va boshqa tumanlar bilan bogʻlovchi asosiy yoʻl tirband boʻlib kelayotgan edi. Shu bois, 63 milliard soʻm hisobiga Norin daryosi ustidan 480 metr uzunlikdagi yangi koʻprik qurilmoqda.

Shuningdek, Qoradaryo ustidagi 63 yil oldin qurilgan Namangan va Andijon viloyatlarini bogʻlovchi 180 metrli eski koʻprikni rekonstruksiya qilish boshlandi. Buning natijasida transport qatnovi 2 barobar oshadi, yoʻlga ketadigan vaqt 1,5 karra qisqarib, tirbandlik kamayadi. Ushbu koʻpriklar kelgusi yilda ishga tushiriladi.

Viloyat markazini poytaxt bilan bogʻlaydigan, kuniga 15 ming transport harakatlanadigan “Pungon-Namangan” yoʻlining 75 kilometri rekonstruksiya qilinadi. Bu yoʻl 246 million dollar hisobiga 4 tasmali, beton qoplamali qilib quriladi.

Viloyatdagi 30 ta mahallaga markazlashgan ichimlik suv yetib bormagani, tarmoqlarning 21 foizi taʼmirtalab ekani koʻrsatib oʻtildi. Kanalizatsiya bilan bogʻliq masalalar yuzasidan ham murojaatlar koʻp.

Shuning uchun bu yil viloyatda suv tizimini yaxshilashga 800 milliard soʻm ajratildi. Mutasaddilarga yil yakunigacha 130 kilometr suv va kanalizatsiya tarmogʻi, 11 ta suv inshooti qurilishini yakunlab, foydalanishga topshirish vazifa qilib qoʻyildi.

Namangan shahri aholisini ichimlik suv bilan taʼminlovchi 70 yil oldin qurilgan “Kurashxona” suv inshooti bugungi kunda 50 foizdan kam quvvatda ishlamoqda. Yevropa tiklanish va taraqqiyot banki bilan hamkorlikda bu inshoot rekonstruksiya qilinishi belgilandi.

Yaqinda Namangan aholisi bir millionli shaharga aylanadi. Bu sharoitda bogʻchalarni koʻpaytirish juda dolzarb ekani taʼkidlandi.

Bu borada tadbirkorlarga bir qator yengilliklar eʼlon qilingan edi. Ulardan unumli foydalanib, Namangan shahrida bu yil 5 ming, keyingi yil 15 ming oʻrinli bogʻcha tashkil qilish muhimligi taʼkidlandi. Viloyatdagi 49 ta texnikumda xorijiy standartlar va dual taʼlim joriy etilishi aytildi.

Soʻnggi uch oyda “Faol hayotga qadam” dasturi doirasida 3 mingga yaqin muhtoj insonlarga qarab turish xizmati yoʻlga qoʻyildi. Natijada bu bilan band boʻlgan 350 kishi ishga joylashgan. Ijtimoiy himoya milliy agentligiga endilikda demensiya va Parkinson kasalligi bilan ogʻrigan odamlar uchun ham qarab turish xizmatini yoʻlga qoʻyish topshirildi.

– Bugun sizlar bilan shahar va tumanlarni rivojlantirish, aholi turmush sharoitini yanada yaxshilash boʻyicha yangi marralarni belgilab oldik. Agar bir birlashsak, bundan ham katta natijalarga erisha olamiz. Ishning koʻzini biladigan, tadbirkor va mehnatsevar namanganliklar bilan viloyatni yurtimizning eng obod va farovon hududilaridan biriga aylantiramiz, – dedi Shavkat Mirziyoyev.

Yigʻilishda belgilangan vazifalar boʻyicha hudud va tarmoqlar rahbarlari axborot berdi, tadbirkorlar va jamoatchilik vakillari bilan muloqot boʻldi. 

Oʻzbekiston

17.09.2025, 10:48

Ulashish:

Mavzuga oid yangiliklar

Shavkat Mirziyoyev “Kambagʻallikdan farovonlik sari” mavzusidagi III xalqaro forumning ochilish marosimida nutq soʻzladi

Oʻzbekiston Respublikasi prezidenti Shavkat Mirziyoyev Namanganda oʻtkazilgan “Kambagʻallikdan farovonlik sari” mavzusidagi III xalqaro forumning ochilish marosimida nutq soʻzlab, bugungi kunda dunyoda 800 milliondan oshiq aholi kambagʻallikda yashayotganini taʼkidladi.

Oʻzbekiston

18.09.2025, 11:02

2030 yilga borib, Oʻzbekistonda mutlaq kambagʻallikka toʻliq barham berish imkoniyati bor

Namangan shahrida 17 sentabr kuni “Kambagʻallikdan farovonlik sari” III xalqaro forumi boshlandi. Anjumanning ochilishida Oʻzbekiston Respublikasi Prezidenti Shavkat Mirziyoyev ishtirok etib, nutq soʻzladi. 

Oʻzbekiston

17.09.2025, 15:38

Norin daryosida “birinchi milliy GES” ishga tushirildi

Oʻtgan yili 25 mart kuni davlat rahbari Namangan viloyatida yangi elektr stansiyalari qurilishini boshlab bergan edi. Kuni kecha ulardan biri – Norin GESlar kaskadining dastlabki bosqichi ishga tushdi.

Oʻzbekiston

17.09.2025, 10:39

Shoʻrariq mahallasi oʻzgaradi: atrofdagi 5 ta mahalla uchun markazga aylanadi

Namangan viloyatiga tashrifi chogʻida Shavkat Mirziyoyev Norin tumanidagi Shoʻrariq mahallasiga kirdi. Mahallaning sharoiti ogʻir. Ichki yoʻllar taʼmirtalab, koʻcha chiroqlari va lotoklar yoʻq. Bu yerda 5 mingdan ziyod aholi yashaydi. 62 ta kambagʻal oila, 118 nafar ishsiz bor, 157 odam migratsiyada.

Oʻzbekiston

17.09.2025, 10:26

Shavkat Mirziyoyev “Fishvel Norin” korxonasi faoliyati bilan tanishdi

Norin tumanida baliqchilik rivojlangani yana bir yoʻnalishni vujudga keltirdi – korxona yonida zamonaviy restoran ham barpo etildi. Unda baliqdan turli xil taomlar tayyorlanib, mehmonlarga taklif qilinadi.

Iqtisodiyot

17.09.2025, 10:15

Prezident Namanganda tashkil etilgan parvarish markazi bilan tanishdi

Shavkat Mirziyoyev Namangan shahrida davlat-xususiy sheriklik asosida tashkil etilgan “Firdavs” kunduzgi parvarish markazini borib koʻrdi.

Oʻzbekiston

16.09.2025, 16:59

So‘nggi yangiliklar

Toshkentning ayrim koʻchalari 20 sentabrgacha yopildi

Toshkentning ayrim koʻchalari 20 sentabrgacha yopildi

Bugun, 8 oktabrdan boshlab Toshkent shahrining Mirzo Ulugʻbek hamda Yashnobod tumanlaridan oʻtuvchi yoʻllarning maʼlum bir qismida avtomobil cheklanadi. Bu haqda IIBB maʼlum qildi.

Oʻzbekiston

08.10.2025, 11:00

IIV rahbariyati ilk bor Rishtondagi holat boʻyicha munosabat bildirdi

IIV rahbariyati ilk bor Furqatdagi holat boʻyicha munosabat bildirdi

Ichki ishlar vaziri maslahatchisi Zokirjon Almatov Fargʻonaning Furqat tumanida IIB xodimlari maktab direktori boʻlgan ayolni yechintirib, kaltaklagani yuzasidan munosabat bildirib, “Bu — oʻtaketgan vahshiylik. U rahbar [tuman IIB boshligʻi — tahr.] qaysidir yoʻllar bilan amalga oʻtirib qolgan, deb oʻylayman... Biz oʻzidan ketib qolgan bunday rahbarlarni aslo kechirmaymiz”, — dedi Almatov.

Oʻzbekiston

08.10.2025, 10:45

Zoyir Mirzayev  bolalarning zaharlanishiga aloqador shaxslar ishdan olinish kerakligini aytdi

Zoyir Mirzayev bolalarning zaharlanishiga aloqador shaxslar ishdan olinish kerakligini aytdi

Toshkent viloyatidagi bogʻchalarda bolalarning ovqatdan zaharlanganidan soʻng ularga 5-6 milliard soʻmlik dori-darmonlar yetkazilgan. Shuningdek, ushbu ishga aloqador boʻlgan 11 kishi qamoqqa olingan. Bu haqda viloyat hokimi Zoyir Mirzayev 6 oktabr kuni Toshkent viloyati Nurafshon shahrida Xalq deputatlarining Toshkent viloyati Xalq deputatlari Kengashining yettinchi chaqiriq 20-sessiyasidagi nutqida aytib oʻtdi.

Oʻzbekiston

08.10.2025, 10:30

Sentabr oyida Toshkent shahrida ijara narxlari qimmatlashdi

Dollar kursining pasayishi va yangi oʻquv yilining boshlanishi uy-joylar uchun ijara narxlariga sezilarli darajada taʼsir qilgan. 

Oʻzbekiston

08.10.2025, 10:04

qirq mingdan ortiq fuqaroga bir martalik nafaqa toʻlandi

Ijtimoiy himoya milliy agentligi maʼlumotlariga koʻra, 2025 yil sentabr oyida 40 ming 611 nafar fuqaroga jami 47,9 milliard soʻm miqdorida bir martalik nafaqa toʻlandi.

Oʻzbekiston

08.10.2025, 09:05

Saida Mirziyoyeva Nukusdagi suv tozalash inshootida boʻldi

Oʻzbekiston prezidenti administratsiyasi rahbari Saida Mirziyoyeva Nukus shahridagi “Jeketerek” mahallasida toʻliq modernizatsiya qilingan va kengaytirilgan suv tozalash inshootini borib koʻrdi.

Oʻzbekiston

07.10.2025, 19:48

Bahodir Jalolov navbatdagi gʻalabasini qoʻlga kiritdi, ammo jang ogʻir kechdi

Rossiyaning Sankt-Peterburg shahrida boʻlib oʻtgan professional boks boʻyicha IBA.Pro 10 turniri doirasida oʻzbekistonlik superogʻir vaznli bokschi Bahodir Jalolov rossiyalik Vitaliy Kuduxovga qarshi ringga chiqdi.

Sport

07.10.2025, 18:49

BMT: Dunyo boʻylab 122 million kishi urush va zoʻravonlik sababli uyini tark etgan

BMTning qochqinlar ishlari boʻyicha Oliy komissari Filippo Grandining maʼlum qilishicha, 2015 yildan buyon dunyoda urushlar va zoʻravonlik tufayli oʻz uyini tashlab ketishga majbur boʻlganlar soni deyarli ikki baravar oshib, 122 million nafarga yetgan.

Jahon

07.10.2025, 17:43

Yaponiya Oʻzbekistonda quriladigan aeroportga 1 mlrd dollar investitsiya kiritadi

Yaponiyaning mashhur Nikkei Asia jurnali va elektron nashrida Yaponiyaning Sojitz kompaniyasi Oʻzbekistonda yangi aeroport qurish loyihasiga sarmoya kiritishiga bagʻishlangan maqola eʼlon qilindi.

Iqtisodiyot

07.10.2025, 16:46

Toshkentda soxta DXX va PA xodimi 3,5 yilga qamaldi

Toshkentda 33 yoshli erkak DXX guvohnomasini soxtalashtirib, oʻzini prezident administratsiyasi vakili sifatida koʻrsatib yurgani aniqlandi. Sud hukmi bilan u 3 yil 6 oy muddatga ozodlikdan mahrum etildi. Ayblanuvchi jinoyatlaridan jabr koʻrgan fuqarolardan IIOga xabar berishlari soʻraldi.

Oʻzbekiston

07.10.2025, 15:43

Raqamlarga aylangan falastinliklar: 7 oktabr voqealariga 2 yil toʻldi

Raqamlarga aylangan falastinliklar: 7 oktabr voqealariga 2 yil toʻldi

Roppa-rosa 2 yil muqaddam – 2023 yilning 7 oktabr kuni HAMAS Isroil harbiy bazalariga keng koʻlamli hujumlarni amalga oshirdi. Mazkur hujum Isroilning Gʻazo sektorida mislsiz qatliomni amalga oshirishiga sabab boʻldi. Oʻn minglab falastinliklar, shu jumladan, bolalar va ayollar qurbon boʻldi, jarohatlandi, uysiz, oziq-ovqatsiz, tibbiy yordamsiz qoldi. Gʻazoliklar butun insoniyat koʻz oʻngida raqamlarga, statistik maʼlumotlarga va tarixga aylanib bormoqda...

Jahon

07.10.2025, 15:01

FIFA prezidenti Oʻzbekiston bosh murabbiyi Kannavaroni tabrikladi

FIFA prezidenti Janni Infantino rasman Oʻzbekiston terma jamoasi bosh murabbiyi etib tanishtirilgan Fabio Kannavaroni tabrikladi.

Sport

07.10.2025, 14:47