Andijonda voyaga yetmagan qizlar bir yigit ortidan janjallashdi

Qayd etilishicha, voqea joriy yilning 3 noyabr kuni  tarmoqlarda aylangan. Aslida esa yuqoridagi holat 2 noyabr kuni soat 13:00 lar atrofida sodir boʻlgan. Xoʻjaobod tumani "Mustaqillikning 27 yilligi" MFYda yashovchi 16 yoshli qiz 54-sonli maktabda 8-sinfda oʻqiydigan singlisi dugonasi bilan janjallashganini eshitib, voqea joyiga borgan. 

Soʻng u tarafma-taraf boʻlib janjallashayotgan qizlarning holatini oʻzining telefoniga videoga olib, Instagram’dagi sahifasiga joylagan. Mazkur video ijtimoiy tarmoq foydalanuvchilari tomonidan muhokamaga aylanganidan keyin holat IIB tomonidan oʻrganilgan. 

Aniqlanishicha, dugonalarning janjallashishga sabab bir yigit ortidan yuzaga kelgan. M.M. ismli qiz Instagram tarmogʻidagi sahifasi orqali tanishgan yigiti bilan R.I. ismli dugonasi gaplashib ketgan. Shunga koʻra ikki dugona Xoʻjaobod tumani "Mustaqillikning 27 yilligi" MFY hududida koʻrishib gaplashib olmoqchi boʻlishganida ular yonida boshqa bir dugonalarini ham olib kelgan va murosaga kelisholmay urishib ketgan. 

Hozirda Xoʻjaobod tumani IIB masʼul xodimlari tomonidan tergovga qadar tekshiruv harakatlari olib borilmoqda.