AQSh bir qator Yevropa davlatlarining Falastinni tan olish qarorini qoʻllab-quvvatlamadi

“Prezident Jozef Bayden ikki davlat rejasining kuchli tarafdori va butun faoliyati davomida shunday boʻlgan”, — deya CNN Milliy xavfsizlik kengashi vakilining soʻzlaridan iqtibos keltirgan.

“Bayden Falastin davlatini bir tomonlama tan olish yoʻli bilan emas, balki tomonlar oʻrtasida toʻgʻridan-toʻgʻri muzokaralar yoʻli bilan yaratish kerak, deb hisoblaydi”, — deya qoʻshimcha qildi matbuot kotibi.

Chorshanba kuni Norvegiya, Irlandiya va Ispaniya hukumatlari Falastin davlatini tan olishlarini aytishdi. Falastin prezidenti idorasi bu qadamlarni maʼqulladi, biroq Isroil bu davlatlardan oʻz elchilarini chaqirib oldi.

21- may holatiga koʻra Falastin-Isroil mojarosining yangi kuchayishi boshlanganidan beri Gʻazodagi jami qurbonlar soni 35 562 kishiga, yaradorlar soni esa 79 652 kishiga yetdi. Qurbonlar va jabrlanganlar soni kun sayin ortib borishda davom etmoqda.