АҚШ бир қатор Европа давлатларининг Фаластинни тан олиш қарорини қўллаб-қувватламади

“Президент Жозеф Байден икки давлат режасининг кучли тарафдори ва бутун фаолияти давомида шундай бўлган”, — дея CNN Миллий хавфсизлик кенгаши вакилининг сўзларидан иқтибос келтирган.

“Байден Фаластин давлатини бир томонлама тан олиш йўли билан эмас, балки томонлар ўртасида тўғридан-тўғри музокаралар йўли билан яратиш керак, деб ҳисоблайди”, — дея қўшимча қилди матбуот котиби.

Чоршанба куни Норвегия, Ирландия ва Испания ҳукуматлари Фаластин давлатини тан олишларини айтишди. Фаластин президенти идораси бу қадамларни маъқуллади, бироқ Исроил бу давлатлардан ўз элчиларини чақириб олди.

21- май ҳолатига кўра Фаластин-Исроил можаросининг янги кучайиши бошланганидан бери Ғазодаги жами қурбонлар сони 35 562 кишига, ярадорлар сони эса 79 652 кишига етди. Қурбонлар ва жабрланганлар сони кун сайин ортиб боришда давом этмоқда.