Bakalavr va magistrlar uchun davlat grantlari soni oshirildi

Joriy va kelgusi uch oʻquv yili uchun davlat oliy taʼlim tashkilotlariga grant asosida oʻqishga qabul qilish parametrlari tasdiqlandi.

Prezident farmoyishiga koʻra, 2025/2026-oʻquv yili uchun bakalavriatga (kunduzgi) 35 500 ta kvota beriladi. Oʻtgan yili 34 838 ajratilgan edi.

Keyingi davrlarda grantlar soni quyidagicha:

2026/2027 oʻquv yiliga – 36 023 ta;

2027/2028 oʻquv yiliga – 36 460 ta;

2028/2029 oʻquv yiliga – 36 761 ta.

Yangi oʻquv yilida magistratura yoʻnalishi (kunduzgi) uchun 9 922 ta grant oʻrinlari ajratiladi

Shu bilan birga, 2026/2027-oʻquv yilida 10 191 ta,

2027/2028 oʻquv yilida 10 477 ta talaba davlat byudjeti hisobidan magistraturada oʻqishi mumkin.

2028/2029-oʻquv yilida esa talabgorlarga 10 784 ta grant taqdim etiladi.

Shuningdek, davlat tomonidan xorijiy va nodavlat oliy taʼlim muassasalari ucun uchun 1 320 ta, chet eldagi oʻzbekistonlik yoshlarga 30 ta, xotin-qizlar uchun 4 000 ta grant belgilandi.

Qabul parametrlarining taqsimoti hududlar va sohalar ehtiyojiga qarab aniqlanadi. Bunda imtiyozga ega abituriyentlar uchun qoʻshimcha parametrlar inobatga olinadi. Bundan tashqari, ayrim sohalarning (tillar, sanʼat, sport va boshqalar) oʻziga xosliklari hisobga olinadi.