“Boʻrijar” kanalida choʻkib ketgan bolaning jasadi topildi

Guvohlarning aytishicha, yigit suvga tushib ketgan bosh kiyimini olib chiqish uchun pastga tushgan, ammo ortga qaytib chiqa olmagan.

Maʼlum boʻlishicha, marhum oʻsmir savdo majmuasi kiosklaridan birida ofitsiant boʻlib ishlagan. Kiosk boshqaruvchisi uni qutqarishga uringan va suvga sakragan, biroq yigitni qutqara olmagan — oʻzi ham zoʻrgʻa sohilga chiqib olgan. Fojia taxminan soat 22:00 larda sodir boʻlgan. FVV maʼlumoticha, qidiruv ishlari hodisadan yarim soat oʻtgach boshlangan.