Oʻz qiziga jinsiy zoʻravonlik qilgan otaga hukm oʻqildi

Qayd etilishicha, oilaning ijtimoiy maqomini belgilash va ehtiyojmandlar roʻyxatiga kiritish maqsadida agentlikning ijtimoiy xodimi xizmat koʻrsatish doirasida oila aʼzolarini tibbiy koʻrikdan oʻtkazishga yuboradi. Shundan soʻng, shu koʻrik qizaloq avval gapira olmagan voqealarni ochiqlashga turtki boʻldi. Bu rasmiy tergov jarayonini boshlashga asos boʻlgan.

“Qizaloqning xavfsizligini taʼminlash maqsadida u vaqtincha oilaviy bolalar uyiga joylashtirildi. Kompleks baholash natijasida onasi qaramogʻiga topshirildi. Hozirda u doimiy himoya ostida boʻlib, tiklanish jarayonidan oʻtmoqda. Unga tibbiy, psixologik va ijtimoiy yordam koʻrsatilmoqda”, —deyiladi agentlik xabarida.

Maʼlum boʻlishicha, 24 iyul kuni sud qaroriga koʻra, erkak oʻz farzandiga nisbatan ogʻir jinoyat sodir etganlikda aybdor deb topilib, Sud tomonidan unga Oʻzbekiston Respublikasi Jinoyat kodeksining 118-moddasi, 3-qismi, “a”, “b”, “e” bandlari asosida 12 yil ozodlikdan mahrum etish jazosi tayinlangan.