Klaviaturadagi “F” va “J” tugmalari nega boʻrtma?

Ushbu belgilar orqali foydalanuvchi koʻrsatkich barmoqlarini osonlikcha topadi: chap qoʻl barmogʻi “F” tugmasiga, oʻng qoʻl barmogʻi esa “J” tugmasiga qoʻyiladi. Shu orqali qolgan barmoqlar ham toʻgʻri pozitsiyani egallaydi.

Sensorli yozish nima?

Klaviaturaga qaramasdan tez va aniq yozish usuli sensorli yozish deb ataladi. Bu koʻnikma matndan koʻz uzmasdan ishlash imkonini beradi va yozish tezligini oshiradi.

Nima uchun bu muhim?

* Qaramasdan yozish imkonini beradi
* Yozish tezligini oshiradi
* Xatolarni kamaytiradi
* Kam yorugʻlikda ham qulaylik yaratadi

Shuningdek, ayrim eski klaviaturalarda bu tepalikchalar boshqa tugmalarda joylashgan boʻlishi mumkin. Masalan, baʼzi Apple klaviaturalarida ular “D” va “K” tugmalarida uchraydi.

Qisqasi, bu kichik detal klaviaturadan samarali foydalanishda katta ahamiyatga ega.

Maftuna BAXTIËROVA tayyorladi