O‘zbek alifbosidagi toʻrt harf oʻzgardi

O‘zgarishlar ayrim harflar yozilishini yangilash va o‘zbek alifbosining turkiy tillar alifbolari bilan mushtarakligini oshirishga qaratilgan.

Yangi tartibga ko‘ra, o‘zbek alifbosidagi to‘rtta harf birikmasi va harfning yozilishi takomillashtiriladi:

• O‘ → Ö
• G‘ → Ğ
• Sh → Ş
• Ch → Ç

Ushbu o‘zgarishlar o‘zbek yozuvining turk, ozarbayjon, turkman va qozoq alifbolari bilan umumiy jihatlarini ko‘paytirishga xizmat qilishi kutilmoqda. Mazkur alifbolarda umumturkiy yozuvga xos ayrim harflar allaqachon qo‘llaniladi.

Qonun alifboni yangilash jarayonini bosqichma-bosqich amalga oshirishni ham nazarda tutadi. Amaldagi hujjatlar, darsliklar va boshqa materiallarni birdaniga almashtirish talab etilmaydi. Ular yaroqlilik muddati tugagach, o‘z kuchini yo‘qotgach yoki navbatdagi yangilanish jarayonida yangi alifboga moslashtirib boriladi.

Bu yondashuv alifbodagi o‘zgarishlarni bosqichma-bosqich joriy etish va mavjud materiallarni tabiiy ravishda yangilash imkonini beradi.