IBA boks boʻyicha jahon chempioniga 1 million dollar mukofot beradi

2028 yilda oʻtkaziladigan boks boʻyicha jahon chempionati mukofot jamgʻarmasi $25 millionga yetadi.

"Ayni paytda havaskor boksda jahon chempionati uchun mukofot jamgʻarmasi hozirda 5 million dollardan ortiqni tashkil qilmoqda. 2028 yilda esa bu koʻrsatkich 25 million dollargacha yetadi. Shunda chempion 1 million dollar mukofot puli oladi.

Shuningdek, 4–5-oʻrin egalari ham taqdirlanadi. Endi jahon chempionati har uch yil emas, har ikki yilda oʻtkaziladi", – dedi Xalqaro boks assotsiatsiyasi (IBA) prezidenti Umar Kremlyov.