Britaniya 16 yoshgacha bo‘lganlarga energetik ichimliklar sotishni taqiqlamoqda

Britaniya hukumati 16-iyul kuni 2027-yilning aprel oyidan boshlab Angliyada 16 yoshgacha bo‘lganlarga tarkibida kofein miqdori yuqori bo‘lgan energetik ichimliklar sotishni taqiqlashini ma’lum qildi. Bundan maqsad – bolalar salomatligi hamda farovonligini himoya qilish.

Hukumatning bayonotiga ko‘ra, bir litrida 150 milligrammdan ortiq kofein bo‘lgan ichimliklar ushbu taqiqqa tushadi. 

Taqiq do‘konlar, savdo avtomatlari va onlayn sotuvlarga tatbiq etilib, avval parlament tomonidan tasdiqlanishi lozim.

Vazirlar Angliyada har kuni 100 mingga yaqin bola shunday ichimliklarni iste’mol qilishini ta’kidlab, ularning uyqu buzilishi, xavotir va diqqatni jamlay olmaslikka sabab bo‘lishini ko‘rsatuvchi dalillarni keltirdi.

Energetik ichimliklar taqiqi — lavozimini tark etayotgan Bosh vazir Keir Starmer hukumati tomonidan bolalar va o‘smirlar duch keladigan xavflarni kamaytirish uchun ko‘rilayotgan bir qator choralarning so‘nggisidir.

Britaniya 16 yoshgacha bo‘lganlar uchun ijtimoiy tarmoqlarni taqiqlashni, 16 va 17 yoshlilar uchun esa ijtimoiy tarmoqlarda tunda foydalanishni cheklovchi komendantlik soatlarini joriy etishni rejalashtirmoqda. 

Bu cheklovlar yoshlarning salomatligi, uyqusi hamda farovonligini yaxshilashga qaratilgan.