Британия 16 ёшгача бўлганларга энергетик ичимликлар сотишни тақиқламоқда

Британия ҳукумати 16 июль куни 2027 йилнинг апрель ойидан бошлаб Англияда 16 ёшгача бўлганларга таркибида кофеин миқдори юқори бўлган энергетик ичимликлар сотишни тақиқлашини маълум қилди. Бундан мақсад – болалар саломатлиги ҳамда фаровонлигини ҳимоя қилиш.

Ҳукуматнинг баёнотига кўра, бир литрида 150 миллиграммдан ортиқ кофеин бўлган ичимликлар ушбу тақиққа тушади. 

Тақиқ дўконлар, савдо автоматлари ва онлайн сотувларга татбиқ этилиб, аввал парламент томонидан тасдиқланиши лозим.

Вазирлар Англияда ҳар куни 100 мингга яқин бола шундай ичимликларни истеъмол қилишини таъкидлаб, уларнинг уйқу бузилиши, хавотир ва диққатни жамлай олмасликка сабаб бўлишини кўрсатувчи далилларни келтирди.

Энергетик ичимликлар тақиқи — лавозимини тарк этаётган Бош вазир Кеир Стармер ҳукумати томонидан болалар ва ўсмирлар дуч келадиган хавфларни камайтириш учун кўрилаётган бир қатор чораларнинг сўнггисидир.

Британия 16 ёшгача бўлганлар учун ижтимоий тармоқларни тақиқлашни, 16 ва 17 ёшлилар учун эса ижтимоий тармоқларда тунда фойдаланишни чекловчи комендантлик соатларини жорий этишни режалаштирмоқда. 

Бу чекловлар ёшларнинг саломатлиги, уйқуси ҳамда фаровонлигини яхшилашга қаратилган.