Isroil Livanga yana hujumlar uyushtirdi. Qurbonlar bor

Hujumlar oqibatida hozircha umumiy besh kishi halok bo‘lgani ma'lum.

Livan Milliy axborot agentligining xabar qilishicha, Isroil harbiy samolyotlari yarim tundan so‘ng Nabatiya al-Favqaga, ertalab esa Arabsalim shahriga zarbalar bergan. Natijada uch kishi halok bo‘lgan.

Deyr az-Zahroniy va Dueyr shaharlariga uyushtirilgan dron hujumlari yana ikki kishini nobud qilgan.

Bu voqea AQSh rasmiylari Eron tomonidan qo‘llab-quvvatlanadigan “Hizbulloh” jangari guruhi o‘t ochishni to‘xtatish bo‘yicha kelishuvni yangilaganini e’lon qilganidan bir kun ham o‘tmay yuz berdi.

Payshanbadan jumaga o‘tar kechasi ikki tomon o‘rtasida bir qancha to‘qnashuvlar sodir bo‘lib, AQShning Eron bilan tuzgan vaqtinchalik tinchlik bitimini xavf ostida qolgan edi.

Juma kuni Isroil harbiylari mamlakat janubida to‘rt nafar askari halok bo‘lganini ma’lum qilgach, Isroil milliy xavfsizlik vaziri “butun Livan yonishi kerak” deb bayonot berdi.

“Isroillik onaning har bir tomchi ko‘z yoshi uchun minglab livanlik onalar yig‘lashi shart”, — deb yozdi Itamar Ben-Gvir ijtimoiy tarmoqda.