Isroil zarbasi oqibatida G‘azoda 5 kishi halok bo‘ldi

3-oktyabr kuni erta tongda Isroilning G‘azo shahridagi ko‘p qavatli uyga bergan havo zarbasi oqibatida kamida besh nafar falastinlik halok bo‘ldi. Bu haqda Reuters yozdi.

AQSH o‘tgan yili o‘t ochishni to‘xtatishga vositachilik qildi, biroq muzokarachilar HAMASning qurolsizlanishi va Isroilning qo‘shinlarini olib chiqib ketishi bo‘yicha kelisha olmadi.

HAMAS o‘t ochishni to‘xtatish kelishuvini buzib, qayta qurollanayotgani va hujumlar uyushtirayotganini ta’kidlagan Isroil so‘nggi haftalarda guruhga qarshi zarbalarni kuchaytirdi.

HAMAS hujumlar uyushtirish yoki arsenalini qayta tiklashga uringanini rad etdi va Isroilni G‘azodagi tinchlik kelishuviga putur yetkazishda aybladi.

G‘azo sog‘liqni saqlash rasmiylarining ma’lum qilishicha, o‘tgan yil oktyabr oyidagi o‘t ochishni to‘xtatish kelishuvidan keyin kamida 1400 nafar falastinlik Isroil hujumlari oqibatida o‘lgan. Isroil esa ayni shu davr mobaynida G‘azoda jangarilar tomonidan to‘rt nafar askari o‘ldirilganini ma’lum qildi.