Putinning maslahatchisi AQSh – Rossiya munosabatlari qayta tiklanishini maʼlum qildi

Qayd etilishicha, AQSh sanksiyasi ostidagi siyosatchi Kirill Dmitriyev uchrashuvda sanksiyalarni bekor qilishni rasman soʻralmagan boʻlsa-da, AQSh – Rossiya biznesi uchun ularni yumshatish foydali boʻlishini aytib oʻtgan. 

U Rossiya – AQSh munosabatlarini tiklash muhimligi haqida gapirib, yaqinda ikki mamlakat oʻrtasida yana muzokaralar boshlanishini maʼlum qilgan. Ammo uchrashuvning sanasi va joyi haqida toʻxtalmagan. 

Dmitriyev CNN'ga bergan intervyusida Ukraina bilan urushni toʻxtatish borasida AQSh bilan energiya inshootlariga hujum qilmaslik haqida muayyan kelishuvga erishilganini aytib oʻtdi. Biroq shunga qaramay, Rossiya Ukrainaga qarshi raketa hujumlarini davom ettirmoqda. 

Unga koʻra, Qora dengizda oʻt ochishni toʻxtatish boʻyicha kelishuv uchun Rossiya bir qancha shartlar, jumladan, sanksiyalarni bekor qilishni soʻragan. 

Donald Tramp esa Dmitriyevning tashrifini eʼtirof etib, yana bir bor Ukraina urushini imkon qadar tezroq tugatishga chaqirgan. U Yevropani bu borada samarasiz deb, oʻzi bu muammoni hal qila olishiga ishonishini bildirdi.