Tramp XJS ayblovlariga qaramasdan Netanyahuni «urush qahramoni» deb atadi

AQSh prezidenti Donald Tramp Xalqaro jinoyat sudi (XJS) tomonidan Gʻazo sektorida urush jinoyatlari va insoniyatga qarshi jinoyatlar uchun hibsga olish orderi chiqarilgan Isroil bosh vaziri Binyamin Netanyahuni «urush qahramoni» deb atadi.

«U yaxshi odam. Netanyahu kurashmoqda. U urush qahramoni, chunki biz birga ishlaganmiz. Netanyahu urush qahramoni. Menimcha, men ham», — dedi AQSh rahbari radioyozuvchi Mark Levinga bergan intervyusida. U bu soʻzlarni Netanyahu haqida aytdi, uning harakatlari Gʻazoda oʻn minglab insonlar hayotiga zomin boʻlgan.

«Uni qamoqqa tashlashmoqchi», — deb qoʻshimcha qildi Tramp. Biroq u bu bilan XJSning hibsga olish orderini nazarda tutdimi yoki Isroildagi korrupsiya ishini aytdimi — aniqlashtirmadi.

Amerika prezidenti shuningdek, AQShning Eronning ehtimoliy yadro obʼektlariga zarba berishga oid havo operatsiyalaridagi «muvaffaqiyati» haqidagi bayonotlarini ham takrorladi.

2024 yil 21 noyabrda MXS Isroil bosh vaziri Binyamin Netanyahuva sobiq mudofaa vaziri Yoav Gallantga nisbatan Gʻazo sektorida sodir etilgan urush jinoyatlari va insoniyatga qarshi jinoyatlar uchun hibsga olish orderini eʼlon qilgan edi.

Bundan tashqari, Isroilda bosh vazirga nisbatan korrupsiya ayblovlari boʻyicha sud jarayoni ham davom etmoqda. Tramp avvalroq 2019 yilda boshlangan ushbu ishlar bekor qilinishi kerakligini talab qilgan.

2023 yil 7 oktabrda boshlangan Isroilning Gʻazoga qarshi hujumlari oqibatida kamida 62 064 falastinlik halok boʻldi, yana 156 573 kishi yaralandi.